Home General Dr. Hendrikus van Gaalen: Na Aruba, 5% di e poblacion tin...

Dr. Hendrikus van Gaalen: Na Aruba, 5% di e poblacion tin autismo

453
0
SHARE
- Advertisement -

ORANJESTAD (AAN):  Dr. Hendrikus  van Gaalen, director medico di Fundacion RESPALDO a laga sa cu autismo ta un malesa grandi.

Na Aruba, 5% di poblacion tin autismo, locual ta hopi, a remarca. Pa un poblacion di un poco mas di 100 mil habitante, esaki ta un cantidad significativo (un promedio di 5 mil persona).

Esaki ta e luna di concientizacion di autismo y ta importante pa compronde cu esaki ta un malesa grandi.

Segun estadisticanan di 2018 for di e policlinica di mucha, por constata cu 28% di e muchanan a wordo diagnostica cu autismo. 

El a bisa cu antes no tabata tin hopi informacion of investigacion tocante autismo. Ma Merca, den añanan 40, un docter a haya sa cu autismo ta presenta frecuente cu muchanan jong. “Kiermen bo ta nace cun’e eigenlijk”.

Den añanan 80, na final di e decada, tabata tin un pelicula “Rayman”, cual tabata un di e prome peliculanan cu a toca e tema di autismo. E pelicula aki tabata hopi importante pa laga autismo bira mas conoci, a bisa.

Despues di esey, a cuminza investiga hopi ariba autismo te cu awor a bin haya sa cu ta un condicion genetico, cu si ta hopi lihe, por haci hopi cune ainda.

“Den nos policlinica nos por ta orguyoso tog, pa mucha y adolescente ta basta bon specializa den autismo. No pa nada ta bin hopi mucha cerca nan”, van Gaalen a indica.

 

 

 

- Advertisement -

DUNA COMENTARIO

Please enter your comment!
Please enter your name here