Home Social E di dos Concierto Dominical Donny Laclé tabata tin programa varia di...

E di dos Concierto Dominical Donny Laclé tabata tin programa varia di talentonan musical

74
0
SHARE
- Advertisement -

ORANJESTAD (AAN):  Durante e di dos Concierto Dominical pa aña 2019 un publico masha anima a gosa di un bunita programa cu hopi ambiente y alegria presenta dia 31 di maart den “Café Musical” na Biblioteca Nacional na Playa.

E concierto a cuminsa cu un caluroso bon bini na nos publico door di mc Joyce Pereira.

Coro Cantare y 6 solistanan bou di guia di Mayra Kock-Garrido a habri e mainta. Mayra Kock-Garrido a acompaña cantantenan riba piano y Edwin Kock cu guitara. Coro Cantare y solistanan Elizabeth Pope, Brenda Rasmijn, Joann Werleman, Maria Eugenia Peña, Ivirgna Hernandez y Clyde Milliard a deleita e publico cu canticanan conoci, entre otro “Amor que malo eres”, “El breve espacio que no estas”, “Alejate”, “Georgia on my mind” y “Climb every mountain”.

Despues a sigui cu un bunita presentashon di scol di baile “Pachanga” bou di guia di Franklin Kock. Scol di baile “Pachanga” ta eksisti 12 anja caba. Meta di scol di baile “Pachanga” ta entre otro pa promove un bida sano y saludabel door di baile y movimiento pa esnan di 3 anja te cu edad avansa, produci musicals pa juda promove nos cultura local na nivel mas halto di presentashon y prepara esnan cu ta competi den baile den exterior. Esnan presente a goza di e presentashon di varios baile di bachata y salsa.

Zonido di Antaňo a clausura e programa cu musica alegre y crioyo. Canticanan cu a presenta ta entre otro “Punta pa punta”, “Sak abou”, “Cu henter mi alma”, varios waltz y tumba. Bishitantenan no por a wanta mas y a subi pista di baile.

Durante e pausa e Caha di Glas a pasa rond. E donacionnan cu e Fundacion ta ricibi ta percura pa e Fundacion por otorga beca fin di aña na diferente hoben pa nan sigui desaroya nan talentonan musical.

Comision organisador ta mira bek riba un otro concierto exitoso y ta gradici Grupo Cantare y solistanan bou di guia di Mayra Kock-Garrido, integrantenan di scol Pachanga bou di guia Franklin Kock y Zonido di Antaňo pa nan tremendo contribucion na e concierto di dia 31 di maart 2019.

Ta extende gratitud pa e cooperashon na Ivan Quandus, gerencia y trahadornan di Biblioteca Nacional Aruba, Ray van Gulick cu ta percura pa e cushina, e grupo di boluntario cu tur diasabra prome cu concierto ta prepara y decora e sala pa diadomingo. Danki special na CEDEAruba y Samenwerkende Fondsen Caribisch deel van het Koninkrijk

E proximo Concierto Dominical Donny Laclé lo tuma luga 5 di mei 2019.

 

- Advertisement -

DUNA COMENTARIO

Please enter your comment!
Please enter your name here