E grado di capacidad di Gobierno anterior expresa den acuerdo Citgo

    444
    0
    SHARE
    - Advertisement -

    Analisis

    Na momento cu Aruba tabata baila pasobra a yega na un acuerdo cu Nicolas Maduro, mundo tabata sumamente preocupa. E motibo tabata obvio. Nicolas Maduro a entrega Rusia casi mita di accionnan den Citgo cu ta situa na Merca.

    E transaccion aki tabata asina importante, cu Senado Mericano a trata e tema pasobra siguridad di Merca a wordo afecta.

    Awe DIARIO ta presenta un grafico cu a keda publica dor di CBS News dia 11 di februari 2017, dos aña pasa ora Aruba a cuminsa realisa su berdad.

    Ora lesa tur rapport di tur instancia oficial di Aruba, e pregunta ta surgi ken mester paga na final di un aventura cu ta kibra Aruba.

    Con por tabata posibel cu gobierno di Aruba no tabata na haltura cu loke e tabata firma, tabata completamente contra interes di Aruba?

    Nos mester parti for di e punto di bista cu gobierno anterior no tabata sa kico e ta haci?

    Si e acuerdo cu gobierno anterior a firma cu Nicolas Maduro ta duna testimonio di su grado di capacidad, por comprende pakico awe Aruba ta den tanto problema.

    E aventura cu a hinca Aruba aden, ta increibel. Mas ainda si tene na bista e personanan cu tabata forma gobierno anterior y e conocemento cu lo por a spera di nan ora nan a dicidi di sinta na mesa cu un Nicolas Maduro, cu a destrui Venezuela y tur loke ta mara na PDVSA.

    Si gobierno anterior a puntra den Reino Hulandes, e por a nota cu el a firma e acuerdo cu Nicolas Maduro, cu na 2016 a wordo notifica dor di Curaçao, cu lo no mantene PDVSA na e refineria di Curaçao, cu el a laga muri y awor ta practicamente difunto.

    Si gobierno anterior a puntra na Merca, caminda e tin su lasonan, e lo a ser informa debidamente sigur si el a lesa cualkier corant of sigui noticia na television. Si el a faya den esaki, DIARIO awe ta entrega imagen di e informacion hopi bon di CBS.

    Kico ta bay pasa awor cu Aruba? E crecemento economico di gobierno anterior nunca a alcansa Aruba cu ta den un crisis total.

    Pero kico ta bay pasa? Hasta un bola di cristal lo a rementa for di otro si trata na haya splicacion pa tur loke ta spera Aruba.

    Ken lo haci limpiesa di e terenonan sushi? Kico lo pasa cu Citgo Aruba?

    E aventura di Citgo no tin palabra. Loke ta spera Aruba, ta gobierno anterior so por splica.

    E so tin capacidad pa bisa pueblo, kico el a haci na nomber di pueblo contra interes di pueblo y hasta su leynan.

    - Advertisement -

    DUNA COMENTARIO

    Please enter your comment!
    Please enter your name here