Home General E prome curso ta un confirmacion di e cooperacion entre CEA y...

E prome curso ta un confirmacion di e cooperacion entre CEA y Marinierskazerne

16
0
SHARE
- Advertisement -

Ronnie Geerman:

ORANJESTAD  (AAN):  Despues di un periodo di entrenamento fuerte na Marinierskazerne, un grupo di empleado di Cuerpo Especial Arubano (CEA) a ricibi nan certificado, despues di a pasa e curso special di uso di arma y procedura di detencion.

Prome cu a entrega e certificadonan, Minister di Husticia Andin Bikker a indica cu esaki ta un di e bon ehempelnan di cooperacion entre e organizacionnan di  seguridad, tanto local como tambe regional.

“Ta un placer pa mi wak con den practica e diferente organizacionnan ta hasi un esfuerzo hunto pa un solo meta, esta garantiza seguridad di Reino”.

“Importante ta tambe con nan ta comparti experticio”.

Esaki segun Bikker, kende a gradici esnan di Cuerpo di Mariniers cu a yuda cu e curso aki y specialmente tambe e miembronan di CEA cu a participa y a logra pasa e curso exitosamente.

Director di CEA Ronnie Geerman tambe a hiba palabra.

El a bisa cu ta un honor grandi pa e para eynan, durante entrega di e certificadonan.

“Manera boso sa e proceso di reorganizacion di CEA ta andando ainda y cu dentro di poco esaki lo keda cla”.

“CEA durante e añanan cu a pasa a organiza diferente curso, pa asina garantiza e calidad di servicio”.

“Riba iniciativa di Boyé, Semerel y Flanegin, CEA a busca contacto cu Alto Mando di Marinierskazerne, pa wak si e Cuerpo di Mariniers por asisti CEA den ofrece su empleadonan curso y opleidingnan”.

“Afortunadamente Marinierskazerne a bay di acuerdo y asina e curso a wordo hinca den otro”.

Esaki segun Geerman, kende a sigui bisa cu CEA tin e necesidad di diferente curso y opleiding den seguridad y vigilancia.

“E prome curso aki na esnan encarga cu seguridad na KIA, ta un confirmacion di e cooperacion entre CEA y Marinierskazerne”.

Esaki segun e director di CEA, kende a indica cu ta bay tin mas di e tipo di cursonan aki.

 

- Advertisement -

DUNA COMENTARIO

Please enter your comment!
Please enter your name here