Suhael Lake, pafo di Corte relaciona cu sentencia den caso ‘Ski’
ORANJESTAD (AAN): Pafo di Corte diabierna mainta tabata algun famia di esnan cu a presenta dilanti huez durante e tratamento di e caso di morto di ‘Ski”.
Un di e personanan tabata Suhael Lake, cu ta famia di e yiu di ‘Ski’, kende a fayece despues cu el a wordo tira den Rancho aña pasa.
E prome reaccion di e famia despues cu e castigonan a wordo anuncia ta cu nan a ripara cu huez a baha e castigonan basta. “Nos no ta ken pa huzga tampoco loke a pasa, pero mi ta haya tog cu eigenlijk, ora cu bo ta den casonan asina, no matter what, bo tin cu paga p’e”.
Lake a bisa cu el a haya reaccionnan eyden riba pakico e muchanan ta wak e famia y ta hari y e no ta haya esey leuk.
Un mensahe cu e kier duna ta “scucha di bo mayornan, pasobra si bo no ta scucha di bo mayornan, bo ta haya bo den e casonan aki. No matter what loke Ricky su mama loke e tabata, loke su tata tabata, den ki famia el a lanta of anos mes den kico nos a lanta, semper nos a scucha for di nos mama. E yiu cu no ta scucha for di su mama ta haye den boca di colebra y esey ta hopi fastioso. Tur mayor papia cu boso yiunan, guia nan den bon caminda, keda papia no matter what”.
Ora un mayor ta wak cu e yiu ta keda ariba un mal caminda, keda wak e yiu pasobra ta abo mes tin cu carga cu e consecuencianan mañan, a expresa.
E ta sinti ta un situacion hopi fastioso y ta kere cu di nan banda nan no a haci mucho cos. Tur cos tabata den man di Ministerio Publico. No mester a busca abogado. Ministerio Publico mes kier a handle cu e caso, a indica.
