Home Parlamento Endy Croes tambe contento cu “Bus di Alegria” na Aruba

Endy Croes tambe contento cu “Bus di Alegria” na Aruba

49
0
SHARE
- Advertisement -

ORANJESTAD (AAN): Endy Croes den fin di siman, a felicita Minister Glenbert Croes cu e Proyecto “Bus di Alegria” pa nos muchanan special di SVGA.  “E ta algo sumamente bunita y di aplaudi.”

Parlamentario Endy Croes ta felicita Gabinete Wever Croes pero particularmente Minister Glenbert Croes cu e bunita proyecto “Bus di Alegria”. Kico e proyecto aki ta encera?  Bureau di Minister di Asunto Social y Labor Sr. Glenbert Coes a inicia e proyecto aki desde 2018 unda un bus ta pasa busca muchanan di mesun bario y ta hiba nan scucha y conoce baluartenan di e bario. Rochi Geerman y Darlaine Erasmus entre otro ta e motornan tras di e proyecto aki.

Dialuna siman pasa sinembargo a haci un invitacon special na SVGA bao di e nomber “Bus di alegria cu nos amigonan special” unda  a involucra nos muchanan special di SVGA (Stichting voor Verstandelijk Gehandicapten) den e proyecto aki. Un total di 8 bus a busca mayoria di nos amigonan special na cas Sjabururi, school  Duna un Man, Bibito Pin, Man na Obra y Briyo di Solo. Hunto tur a sali di Briyo di Solo eschoolta pa polis rumbo pa San Nicolas. Bureau di Minister Glenbert Coes a prepara un programa special pa nos amigonan. Bus di Alegria cu nos amigonan a recore Aruba y a termina na Parke Curason Jaburibari. Bao di e afdak di basketball court tabata tin un banda y dos MC cu ful un programa prepara  pa nos amigonan di SVGA.

Na yegada Minister Presidente Evelyn Wever Croes y Minister Glenbert Coes  acompaña pa Palamentarionan  Shailiny Tromp Lee, Hendrik Tevreden, Edgard Vrolijk y boso sirbidor Endy Coes a saluda y brasa mayoria di nos amigonan di SVGA kendenan tabata super contento. Despues tanto Minister President Evelyn Wever Croes y Shailiny Tromp Lee a hiba palabra habriendo e pista di baile pa e fiesta cuminsa. E banda a “Los laga bay” y tabata un placer pa por a baila y gosa cu nos amigonan di SVGA. Nan a gosa un bol.  Tambe a reparti diferente premio entre nan.  E alegria tabata notabel riba nan cara y esaki a yena nos tur cu satisfaccion inexplicabel.  Alaves a percura pa tur a ricibi un cuminda y refresco.

Danki na e bon cooperacion di Director di SVGA Señora Els van Homelen pero tambe tur Leidsters, juffrouwnan y Lidernan di tur e schoolnan. Mas cu claro danki na Rochi Geerman y Darlaine Erasmus un biaha mas. Danki na Gabinete Wever Coes y sigur Minister Glenbert Coes cu ta haci e proyectonan aki posibel. Parlamentario Endy Croes a termina bisando  el a keda masha impresiona cu un sentimiento di amor y cariño cu nos por a comparti cu nos amigonan di SVGA. E hende pa nos ta central!

- Advertisement -

DUNA COMENTARIO

Please enter your comment!
Please enter your name here