Home General Esnan cu ta bay campa pa nan zorgpas ta na ordo y...

Esnan cu ta bay campa pa nan zorgpas ta na ordo y si bay afo cumpra seguro di viahe

19
0
SHARE
- Advertisement -

PR di AZV Solange Tchong cu recomendacionnan:

ORANJESTAD (AAN) – E Relacionista Publico di AZV Solange Tjong, den entrevista cu DIARIO elabora riba algun punto importante, cu e aseguradonan mester tene cuenta cune, durante e temporada aki di Siman Santo y vacacion.

Tchong a indica cu na prome lugar mester percura pa tin e zorgpas vigente, locual ta hopi importante. Tambe el a referi na e Web-portal di AZV cu ta specificamente pa dunadornan di cuido.

El a menciona cu AZV ta keda duna recomendacion na tur dunador di cuido y nan asistentenan, pasobra esaki ta duna mas informacion actualiza di e asegurado.

Banda di esaki e periodo di vacacion di Siman Santo ta drenta y hopi hende ta bay campa y aunke ningun hende kier bira malo, ta bon pa e asegurado tin su zorgpas na ordo.Y tambe ta importante pa esnan cu tin planea un biahe afo, pa corda cu AZV ta valido na Aruba so.

Ta importante pa cumpra un seguro di viahe y tambe pa no core ningun riesgo. Sra. Tchong a expresa cu berdad tuma vacacion ta algo masha dushi, pero ningun hende kier confronta cu gastonan medico inespera, y manera pa yuda nan mes ta door di cumpra un seguro di viahe cu ta comercial.

AZV ta satisfecho di mira cu e ultimo añanan mas hende ta cumpra nan seguro di viahe, pasobra nan ta compronde e situacion y cu AZV ta pa cuido medico na Aruba so.

AZV ta contento cu esaki pasobra nan ta mira cu comunidad di Aruba ta tuma conciencia cu mihor ta pa cumpra e seguro di viahe pa evita sorpresa ora nan ta den exterior.

El a reitera cu e cantidad di peticion di hende cu a bay cu vacacion afo y cu a confronta cu un problema di salud a baha substancialmente, y pesey nan ta bolbe trece esaki dilanti, pasobra lamentablemente AZV no por yuda den casonan asina. Un biaha mas, pasobra AZV ta solamente pa cuido medico na Aruba.

- Advertisement -

DUNA COMENTARIO

Please enter your comment!
Please enter your name here