Home Salud FADA kier sigui concientiza e hobennan ariba e peliger di uza alcohol...

FADA kier sigui concientiza e hobennan ariba e peliger di uza alcohol y droga

38
0
SHARE
- Advertisement -

Rulliene Arends: Amigo DIDI a resulta un exito cu e campañanan cu tabata tin

ORANJESTAD (AAN): Despues di un temporada basta druk pa loke ta carnaval,  por a wak cu Amigo DIDI a resulta un exito cu e campañanan cu tabata tin.

Rulliene Arends di Fundacion Anti Droga Aruba (FADA) a laga sa cu tabata tin e tester personal cu tabata un exito den e ultimo simannan di carnaval.

A cera e temporada aki sumamente bon y FADA kier pa e keda asina pa loke ta Amigo DIDI. Por a wak cu tabata tin hopi hende cu a tuma e decision responsabel y a tuma contacto cu FADA of cu fundacion Zinnia pa por a bay den e bus di Amigo DIDI.

E testnan a wordo bendi hopi bon y pesey kier pa por sigui ariba e caminda aki.

Tog ta wak cu aworaki tin hopi accidente y hopi di nan ta personanan bao di influencia di alcohol. Door cu tin e temporada di campamento ta probecha y ta sigui cu e campaña di Amigo DIDI.

Ainda tin testnan personal cu por pasa cumpra na FADA na un prijs barata. E placa lo bay bek pa cumpra mas tester, Arends a indica.

Hunto cu Fundacion Zinnia lo pone banner ariba caminda, den lugarnan strategico cerca di e lugarnan di campa.

Banda di esey tin e charlanan cu FADA ta duna constantemente na scolnan. No ta solamente Amigo DIDI, pero tambe kier sigui concientiza e hobennan tocante uso di marihuana, ecstasy y cocaina vooral aworaki den temporada di campamento, Arends a remarca.

 

- Advertisement -

DUNA COMENTARIO

Please enter your comment!
Please enter your name here