Home Social Fondonan recauda lo bay pa Fundacion pa Hende Muher den Dificultad, pa...

Fondonan recauda lo bay pa Fundacion pa Hende Muher den Dificultad, pa e di dos aña consecutivo

63
0
SHARE
- Advertisement -

Cocktail Reception na bispo di e charity golf tournament 

ORANJESTAD (AAN): Den preparacion pa e torneo di golf mas popular riba nos isla,
organisa anualmente durante e ultimo 16 añanan pa Arion Wine Company den
asociacion cu Wente Vineyards y Papiamento Restaurant, e hungadornan di golf
y patrocinadornan a wordo invita pa un cocktail reception bispo di e evento.

Eric Wente personalmente a duna e invitadonan un cordial bon bini na e
hardin tropical di Papiamento cu un sin fin di su excelente biñanan di
Wente, y a gradici nan pa nan participacion na e torneo di golf e siguiente
dia.

E fiesta a wordo prepara pa expertonan di Papiamento Restaurant, kende e
chef y propietario Eduardo Ellis, ta un di e patrocinadornan principal di e
torneo.

E invitadonan por a disfruta di e mihor biñanan di Wente Vineyards, manera
Morning Fog Chardonnay y Sandstone Merlot, cu ta combina bon cu e cuminda
delicioso.

Anfitrion di e fiesta tabata Govert van der Hout, y e la menciona su
compromiso di su compania pa cu e charity golf tournament y a priminti cu e
ganashi lo bay pa FHMD, Fundacion pa Hende Muher den Dificultad, pa e di dos
aña consecutivo.

E vicepresidente y e tesorero di e fundacion tabata presente pa presenta nan
iniciativa importante y papia tocante nan trabou comunitario.

FHMD lo haci bon uzo di e fondonan recauda ya cu e shelter ta expandiendo pa por cumpli cu e demanda pa mas acomodacion pa famianan den crisis.

Director of Golf di Tierra del Sol, James Kiley a splica algun di e reglanan di e torneo e dia siguiente. Van der Hout a elogia su ekipo diligente pa duna un man na e aspecto di servicio di e evento como tambe e parti logistico.

- Advertisement -

DUNA COMENTARIO

Please enter your comment!
Please enter your name here