Home Cultura Fundacion CINEARUBA ta invita 60+ pa un excursion na Museo di Industria

Fundacion CINEARUBA ta invita 60+ pa un excursion na Museo di Industria

53
0
SHARE
- Advertisement -

ORANJESTAD (AAN):  Diasabra awor 13 di april pa 11 di mainta Fundacion CINEARUBA ta organisando un excursion na Museo di Industra en conexion cu nan proyecto di Street Rap Musical.

E fundacion ta desea pa personanan di 60 aña bay ariba forma parti di e excursion conhunto cu e hobennan. Di e manera aki por intercambia momentonan agradabel y ta percura pa inclusion di e grandinan den proyectonan cultural realisa pa hobennan.

Personanan cu ta interesa por haci reservacion pa ticket via 560-4804 of por manda un email na info@cinearuba.com.

E meta di e proyecto di fundacion CINEARUBA ‘Street Rap Musica’ ta pa crea e sentido di covivencia entre ciudadanonan di diferente comunidadnan, pero tambe pa transpasa e conocemento di cultura inmaterial na e generacion nobo.

E proyecto ta tumando luga na e momentonan aki cu tayernan educativo y creativo. Personanan cu ta interesa ainda por participa, por pasa libermente na Scol di Arte San Nicolas durante e dianan y orarionan di e tayer cu ta di dialuna pa diahuebs for di 6’or di atardi te cu 9’or di anochi. Edad pa participa ta di 14 aña te cu 85 aña.

- Advertisement -

DUNA COMENTARIO

Please enter your comment!
Please enter your name here