Home General Gobierno anterior mester splica pakico el a viola ley pa e trece...

Gobierno anterior mester splica pakico el a viola ley pa e trece Citgo

63
0
SHARE
- Advertisement -

Analisis

Acusacion: a kibra leynan pa na forma ilegal entrega Aruba na Nicolas Maduro y serie di scandal financiero y peliger serio 

Durante dianan di fiesta, e grupo di Nicolas Maduro hunto cu PDVSA, CITGO y scandal financiero a keda den noticia. E momento a yega pa Gobierno anterior di AVP y e mayoria di AVP den Parlamento cu a sostene e forma cu a alcansa y a pasa e acuerdo den Parlamento contra ley, mester bini dilanti awor pa splica pakico a firma e acuerdo aki.

Mas informacion bini dilanti, mas scandal desaroya rond di PDVSA regimen Maduro, mas motibo tin pa awor duna cuenta na Aruba cu mester biba cu e resultadonan di un acuerdo cu ta kibra tur rasonamento y ta mishi cu tur ley di Aruba.

E mayoria den Parlamento cu a sostene gabinete Mike Eman, no por deshaci di su responsabilidad pasobra si no tabata pa e mayoria den Parlamento hamas gobierno Eman por a haci y deshaci manera el a haci y viola tur ley cu ta garantisa bienestar di Aruba.

Scandal tras di scandal tras di scandal ta mara na tur cu a atende cu gobierno Eman di parti di Citgo y PDVSA. E cabesante di Citgo cu sinta na mesa a muri den prizon di Venezuela despues cu su propio “Comandante” Nicolas Maduro a laga detene hunto cu otro miembronan di gerencia di Citgo.

Awe di un banda companianan na cual Nicolas Maduro a hipoteca Aruba ta exigi nan placa e luna aki, mientras di otro banda e partner di negociacion di AVP, Nicolas Maduro, ta parti di e escenario cu mundo ta busca pa responde pa crimen.

Pakico AVP a firma e contracto?

Pakico Gobierno Eman y e fraccion mayoritario di AVP den Parlamento a comete acto ilegal, viola ley, pa tene e contracto secreto hasta pa otro miembronan di Parlamento?

Pakico AVP a bay contra advertencia di Hulanda y expertonan mundial y a insisti cu e ta firma e acuerdo cu Nicolas Maduro?

Pakico AVP a insisti cu e mester “cuida e proyecto contra Parlamento” cu ta bos di pueblo pero no a cuida Aruba contra Nicolas Maduro y su grupo cu ta ser busca pa labamento di placa?

Pakico AVP a no a laga investiga Citgo, PDVSA, regimen di Nicolas Maduro (si ainda tabata algo pa investiga pasobra ya mundo a acusa Chavistanan di crimen)?

Pakico AVP no a investiga e patronchi di debenan mara na Citgo cu a horca Aruba y awe ta causante di desastre?

Husticia mester prevalece. Si ta cualkier empleado na cualkier empresa a haci loke gobierno AVP y su mayoria den Parlamento a haci y hasta kibra ley, lo a pone den man di Polis.

Aruba no por keda den boca di mundo pa un contracto cu a sirbi pa hinca Aruba den un aventura, sabiendo kico e resultado lo mester ta.

Gobierno Mike Eman mester bin dilanti cu prueba kico el a haci pa sigura cu Aruba no tabata hinca su mes den un desastre. Na cualkier pais democratico, ya gobierno di AVP mester a responde husticia.

Awe Aruba, cu a ser pusha conscientemente den un abismo dor di Gobierno Mike Eman, mester ricibi contestanan na forma oficial. Berguensa loke a pasa cu Aruba!

 

- Advertisement -

DUNA COMENTARIO

Please enter your comment!
Please enter your name here