Home Parlamento Gobierno ta casi cla pa ehecuta e ley di ‘Meld Code’

Gobierno ta casi cla pa ehecuta e ley di ‘Meld Code’

24
0
SHARE
- Advertisement -

Hendrik Tevreden:

ORANJESTAD (AAN): Algun tempo pasa Parlamento a entrega caba e ley di ‘Meld Code’ y awor Gobierno ta casi cla pa ehecuta esaki.

Esaki segun parlamentario Hendrik Tevreden, durante e conferencia di prensa di tur Dialuna di fraccion di MEP.

El a sigui bisa cu ta trata specificamente di articulo 243-a te cu 243-d.

“Esaki lo bira un base legal pa raporta casonan entre otro di abuso y mal uso di mucha, hobennan of hende grandi”.

“Nos a scoge pa amplia e ley aki di ‘Meld Code’ cu violencia domestico, pa asina nos por tin un ley cu mucho mas peso y asina e instancianan concerni por tin un mihor gara y por hasi un mihor trabao ora cu nan ta traha raportahenan, unda cu por para firme ora cu huez duna su sentencia na e acusadonan”, segun Tevreden.

El a sigui bisa cu fraccion di MEP ta hopi orguyoso cu señora Anne Kroon di UNICEF por a sinta na mesa cu nan.

“Esaki ta importante pasobra su trabao ta pa no solamente vigila full e entrada di e ley aki, pero tambe pa siña e departamentonan concerni con pa raporta y con pa inculca e sistema aki den locual ya nan ta bin hasiendo”.

“Nos tin hopi otro stakeholder na mes sinta y den e dianan nos dilanti nos ta bay sigui sinta cu nan y mustra nan con leu nos ta cu e ley aki, cu ta hopi importante pa pais Aruba”, segun e parlamentario di e fraccion geel.

 

- Advertisement -

DUNA COMENTARIO

Please enter your comment!
Please enter your name here