Home arte y espectaculo Grupo di pariba di brug cu intencion serio pa reactiva festival cultural...

Grupo di pariba di brug cu intencion serio pa reactiva festival cultural back na San Nicolas

125
0
SHARE
- Advertisement -

ORANJESTAD (AAN): Recientemente un grupo di personanan di San Nicolas a tene un reunion informal pa asina sondia e posibilidadnan pa cuminsa un evento cu lo por tuma lugar riba Diahuebs na lugar di e actividad di Carubbean cu tin basta tempo inactivo.

No ta un secreto cu tur siman tin turistanan ta yega sea cu taxi of v-wagen pariba di brug buscando e actividad di Carubbean como cu di un of otro manera nan ta hayando e informacion di un actividad cultural pariba di brug.

Tambe ta asina cu e pueblo di San Nicolas na diferente manera ta expresa nan mes via rednan social cu nan lo desea pa e actividad aki por worde reactiva como cu e tabata un actividad unda nan por a envolvi nan mes socialmente.

Mirando tur e factornan aki e grupo aki e grupo aki dicidi di uni y nan a compromete nan mes na sondia tur e posibilidadnan cu tin disponibel den e proximo dianan y tambe a pone un meta cu pa dia 23 di Mei proximo mester por tin un evento cultural back den e cayanan pariba di brug.

No ta completamente difini ainda unda esaki lo tuma lugar como cu lo mester sinta cu Cuerpo Policial y tambe diferente stakeholder, pero ta spera di por haya tur clase di cooperacion di e instancianan concerni como tambe di comercio pa por haci e proyecto aki un exito pa pariba di brug.

Den e proximo dianan asina cu tur e detayenan ta concretisa y un plan definitivo ta riba papel lo tene un conferencia di prensa pa asina informa comunidad mas detaye di kico, con y unda San Nicolas lo haya su anochi cultural back.

- Advertisement -

DUNA COMENTARIO

Please enter your comment!
Please enter your name here