Home General Guaidó mester paga e interes di debe cu Citgo como borg

Guaidó mester paga e interes di debe cu Citgo como borg

82
0
SHARE
- Advertisement -

Asamblea Nacional lo dicidi e siman aki riba pago  

Maduro a negocia cu Aruba pa e debe na mes momento

ORANJESTAD (AAN) — E siman aki PDVSA mester a paga e suma di 71 Miyon Dollar como interes di debe cu a ser haci cu Citgo como borg na September 2016. Manera DIARIO a splica e debe conoci como “2020 bonds” a ser negocia dor di PDVSA na momento cu tabata negocia cu Aruba tambe pa un inversion di Un Miyon pa e refineria na Aruba.

Si Venezuela no paga, e mayoria di Citgo ta bay pa e grupo cu manera DIARIO ta presenta cu prueba awe, a haci e fiansa cu ta caduca na 2020 cu PDVSA den mes tempo cu Rosneft (cu tabata Ministerio di Asuntonan Petrolero di Rusia pero despues a bira un compania di estado Ruso) a haya 49.1 porciento den Citgo.

No ta conoci con e pago ta ser haci ni con ta yega na e suma.

Segun un economista cu Guaidó a nombra den e directiva di PDVSA, cu ta gesplit entre grupo Maduro y grupo Guaidó, ta haci tur esfuerso pa paga e debe. E no ta bisa con ta haya e placa ni con lo atende e asunto, riba cual e siman aki Asamblea Nacional dirigi pa Presidente Juan Guaidó mester dicidi.

Te na ultimo momento ayera, DIARIO a check e agenda di Asamblea Nacional pa awe pero e asunto aki no ta aparece riba e lista di casonan cu lo ser atendi.

E siman aki tambe ta spera un contesta di Huesnan na Merca cu mester dicidi si Crystallex por sigui cu e tramitenan pa bende parti di Citgo pa haya pago di e debe cu Venezuela tin cu nan.

Rosneft di Rusia tambe mester haya placa di Venezuela, pero den fin di siman Rusia a anuncia cu Venezuela a paga tur debe na Rusia. No a bisa si e placa cu Rosneft a hinca directamente den Citgo ta inclui.

Rosneft tabata trata di confronta un acusacion cu e tabata haci uzo di formanan “alternativo” pa yuda Venezuela cu benta di su petroleo. El a acusa e compania di noticia, Reuters, di ta crea problema y a menasa cu ta cera porta di Reuters.

Por spera cu Citgo na Merca lo percura pa anuncionan na momento di noticia importante, cu no semper ta den man di Citgo pero den man di grupo Maduro awor cu oficina na Rusia.

- Advertisement -

DUNA COMENTARIO

Please enter your comment!
Please enter your name here