Home Salud Jerusha Arends cu yamada na mas compania cu por participa den Aruba...

Jerusha Arends cu yamada na mas compania cu por participa den Aruba Health Fair

100
0
SHARE
- Advertisement -

Ya sea como sponsor of pa duna informacion:

ORANJESTAD (AAN) – Jerusha Arends, Hefe di Departamento Financiero di AZV, tambe a participa den e conferencia di prensa, relaciona cu e Feria di Salud, cu lo tuma lugar Diasabra 8 di Juni venidero na AZV mes.

Sra. Arends a reitera locual e director y demas coleganan a menciona den e rueda di prensa aki: cu e enfoke principal di e feria di salud ta pa duna informacion na pueblo di Aruba.

E dama a señala cu AZV ta conciente cu tin hopi ley, y hopi tipo di cuido existente, cu e poblacion no ta conciente di dje. Cu e feria aki un tremendo oportunidad ta presenta unda grandi y chikito por ta presente y por tin tur tipo di informacion necesario, conoci of no, tocante cuido localmente y den exterior, pa asina e pueblo ta mihor informa.

El a subraya cu e meta di AZV cu e evento aki no ta haci ganashi at all. Tur mucha menor di 15 aña ta drenta gratis acompaña pa un adulto, y pa adultonan tin un prijs di entrada casi simbolico, y e producto di benta di carchi ta bay pa un entidad, cu ainda nan a identifica cual e lo ta. E comision lo informa tocante esaki ora e ta conoci.

Sra. Arends a acentua cu AZV lo no ta cargando den su totalidad e actividad aki financieramente, pasobra e ta imposible. Nan ta depende den gran parti di sponsors y ya caba algun a confirma nan participacion den Aruba Health Fair.

No ta necesariamente companianan cu tin di haber cu cuido, pero si cu ta kere den e actividad y cu atravez di nan sponsorship lo haci posible cu stichtingnan y entidadnan cu no tin e carga financiero, pero cu si tin e informacion necesario, por yega na e pueblo di Aruba. El a menciona algun compania cu ta sponsor e evento y a haci un invitacion na cualkier compania cu tambe kier participa den e feria di salud aki y hacie exitoso pa AZV y pa pueblo.

Tambe a extende un invitacion na tur compania cu ta traha den e ramo di salubridad of ta duna servicio, pa acerca AZV pasobra apart di e standnan informativo lo tin standnan comercial, cu nan por huur y duna informacion tocante nan producto y bende esaki durante e actividad. Por tuma contacto via e number general of facebook.

- Advertisement -

DUNA COMENTARIO

Please enter your comment!
Please enter your name here