Home Deporte Jose Luis Camara y Chriss Nedd a gana golf tournament

Jose Luis Camara y Chriss Nedd a gana golf tournament

214
0
SHARE
- Advertisement -

ORANJESTAD (AAN)-  Un award banquet a marca e final di e dia
ya cu Arion Wine Company, Wente Vineyards & Papiamento Golf Tournament a
conclui e actividadnan diasabra atardi despues di un dia yena cu wega cu a
cuminsa pa exactamente 12:30pm.

E participantenan a disfruta di un lunch delicioso prepara pa Papiamento
Restaurant combina cu boternan friu di biñanan di Wente Vineyards mientras
nan tabata riba e golf course.

Durante bahada di solo, rond di e pool cu bista pa California Lighthouse, e
award banquet di Tierra del Sol a anuncia e ganadornan di e competencia:
Jose Luis Camara y Chris Nedd na prome lugar, Hunt Riley y Evan Haime na di
dos lugar y Pierre Rafini y Greg Martis na di tres lugar.

Eric Wente, presidente di e directiva di Wente Vineyards, e bodega familiar
mas antiguo y cu operacion continuo di California, funda na 1883, tabata
presente pa presenta e ganadornan cu nan premionan y a gradici e
participantenan y patrocinadornan pa nan dedicacion y generosidad pa 16 aña
consecutivo.

Mientras e hungadornan tabata disfruta di un buffet di sopi y sandwich,
Govert van der Hout, Arion Wine Company y e Director of Golf, James Kiley di
Tierra del Sol a yuda entrega e premionan na e tres set di ganadornan y
tambe na esunnan cu a yega mas cerca di pin na #3, #7, #13, #15 y #17,
William v / Ramshorst, Gian Pietersz, Orland Rasmijn, Dante Leandi y Hunt
Riley.

- Advertisement -

DUNA COMENTARIO

Please enter your comment!
Please enter your name here