Home Cultura Jossy Broke a ricibi homenahe na Biblioteca Nacional

Jossy Broke a ricibi homenahe na Biblioteca Nacional

216
0
SHARE
- Advertisement -

Merecidamente:

ORANJESTAD (AAN) – Diaranzon anochi, na Biblioteca Nacional, den un sala completamente yen, a keda celebra e Dia Mundial di Buki y di Derecho di Autor, ademas di a rindi homenahe na e gran artista local Jossy Broke Jr.

Minister di Enseñanza Rudy Lampe a hiba palabra y a expresa cu henter pueblo di Aruba ta admirador di Jossy Broke y e tin e privilegio di yame tambe su amigo.

E dignatario a splica cu e anochi aki, hunto cu Director di Departamento di Cultura y e Director di Biblioteca Nacional, y e cabayero incansable Mirto Lacle (Gestor Cultural), den presencia di e publico presente por a entrega e homenahe aki na un cantante inolvidable.

Minister Lampe a puntra: “Ken no conoce ‘Aruba Nos Patria’ di Jossy Broke?”

Seguidamente Jossy Broke a pasa dilanti y a expresa: “Mi no ta kere, mi sa sigur cu mi merece…” Por a sinti Broke su emocion meymey di aplausonan mas cariñoso mes. El a gradici Mirto Lacle pa e gesto aki cu sigur lo haya un bon lugar, y e tin un bon señora pa wak pe. Su señora Sandra a ricibi hopi aplauso tambe, palabranan di gradicimento di Jossy, y tambe pa su amigonan di mas cerca.

Di parti di Mirto Lacle el a bisa cu Jossy sa cu su cas ta manera un farmacia cu hende por drenta 24 ora. Nan a comparti un anecdota relaciona cu un coffie cu Mirto a ofrece Jossy, cu por a compronde tabata demasiado sterki cu casi a lague sin rosea.

E palabranan riba e plaquette ta bisa asina aki: “Otorga na Jossy Broke Junior, como muestra di aprecio y gratitud pa tur e aporte musical pa mas di seis decada na Aruba den e Idioma Materno Papiamento.

Biblioteca Nacional Aruba, Departamento di Cultura Aruba y Gestor Cultural Mirto Lacle, 24 April 2019”.

- Advertisement -

DUNA COMENTARIO

Please enter your comment!
Please enter your name here