Home Policial “K9-Training Seminar” na Aruba tabata un exito

“K9-Training Seminar” na Aruba tabata un exito

167
0
SHARE
- Advertisement -

ORANJESTAD (AAN) – Esaki ta e di cuater biaha cu a tene e siman di entrenamento “High Risk Deployment K9-Training Seminar” na Aruba. Un entrenamento unda cu Aruba tabata e anfitrion y un biaha mas a bira un exito rotundo.

E unidadnan di K9 cu a participa tabata di Aruba, Sint Maarten, Rotterdam-Hulanda, y di Australia cual grupo mester a biaha mas di 50 ora pa participa den entrenamento.

Presente durante ful e siman aki  tabata señor W.J. van Bochove, un delegado di Estado na nomber di e “Landelijk Keuringsbureau Politiehonden van de Nederlandse Nationale Politie.”

El a keda impresiona pa e participantenan specificamente pa loke ta trata e manehabilidad y disponibilidad practico di e cachonan di servicio.

Durante e periodo di entrenamento a presenta e participantenan cu diverso scenario. Nan mester a subi un edificio cu trapi y trapi traha di cabuya, subi un barco, bay den mondi, bay di buskeda riba rif pa sospechoso cu a huy.

Na e Centro di Formacion KIA na Balashi y na Wela a haci algun ehercicio di procedura. E dokter di bestia sra. Natalie Booi di Animal Care Clinic a duna un charla riba e topico: Con ta preveni zonnesteek y otro peligronan relacion cu e klima den cual e cacho por haya su.

E Team Special di Resfuerso-K9 ta existi desde 2013 y a desaroya su mes den un partner di seguridad pa KIA y otro departamentonan di husticia. Riba nivel internacional nan ta traha cu organisacionnan ruman na Hulanda, Sint Maarten, Merca, y otro paisnan.

Otro aña april BOT-K9 di KIA lo organisa e di cinco Aruban High Risk Deployment K9- Training Seminar.

- Advertisement -

DUNA COMENTARIO

Please enter your comment!
Please enter your name here