Home Salud Koningsspelen di e aña aki ta pone enfasis ariba e uso di...

Koningsspelen di e aña aki ta pone enfasis ariba e uso di awa

39
0
SHARE
- Advertisement -

13500 mucha lo participa na e actividad aki

ORANJESTAD (AAN):  Dia 12 di April proximo ta bay tin e Koningsspelen, cu ta wordo celebra tur aña, e aña aki pa 17 aña caba, pa festeha e cumpleaños di Rey Willem Alexander.

E tema e aña aki ta pa enfatiza e uso di awa cerca e muchanan. IBiSA hunto cu Departamento di Salud ta bezig cu un pakete di actividad pa haci den klas cu e muchanan. Ta pone enfasis ariba e uso di awa, Iraida Thijsen, Hefe di e Seccion di Salud di IBiSA a indica.

13500 mucha lo participa na e actividad aki di scolnan primario y kleuter y e siman aki nan lo a haya e pakete di actividad via email y ademas nan ta haya un desayuno patrocina door di Stichting Koningsspelen Nederland y Jumbo Nederland representa door di SuperFood.

IBiSA a prepara tur e paketenan y nan ta ansioso pa wak e muchanan haci actividad fisico y bebe suficiente awa.

Thijsen a recorda cu e competencia di baile ainda ta andando. Por check e website di SuperFood y wak con por participa pa gana den e competencia di bailamento.

Den cuadro di esaki a keda introduci un jingle, cu IBiSa a laga traha tocante di awa. Lo manda esaki pa e scolnan. Ta un creacion di un mucha homber jong cu e mensahe cual ta keda corda e muchanan pa keda bebe awa tur dia.

- Advertisement -

DUNA COMENTARIO

Please enter your comment!
Please enter your name here