Home Enseñanza “Learning Project” ta pone e sistema di educacion na Aruba central

“Learning Project” ta pone e sistema di educacion na Aruba central

193
0
SHARE
- Advertisement -

Prome Minister:

ORANJESTAD (AAN) – Minister Presidente mr. Evelyn Wever-Croes, den cuadro di e “Learning Project” cu ta bay wordo implementa den dos scol na Santa Cruz: Cacique Macuarima basico y Cacique Aterima Preparatorio, a splica cu e inversion haci no ta solamente den ekipo.

E mandatario a duna di conoce cu e ekipo di innovacion di gobierno lo traha hunto cu e scol, comision di mayor, e team di e ministerio di educacion, e stakeholders di e Plan di Educacion Nacional, entre otro Departamento di Enseñanza, y directivanan di scol pa asina pone obhetivonan di e plan nacional di educacion den accion, y crea un modelo di evaluacion pa e proyecto piloto.  Asina por siña di dje y aplica locual ta siña den proyectonan di otro scolnan.

E proyecto aki tambe ta fungi como un acelerador pa implementacion di e sistema di desaroyo di metanan di Nacionnan Uni, manera mehoracion di enseñanza, stimulacion y traha den forma di colaboracion of partnerships.

E mandatario a subraya cu, cu e proyecto aki ta pone innovacion den educacion central y asina por cuminza evalua na un manera practico, e resultado di e inversion di e programa aki.

Prome Minister a expresa cu e berdad ta cu pa añanan, gobierno anterior a neglisha inversion den educacion; mayoria di scol no tin ni computer y hopi cu tin nan ta daña. Tin scol cu ta duna les di computer pero den teoria so, pasobra hopi di e computernan mes no ta traha.

“Nos gobierno ta bisa loke nos ta haci y nos ta haci loke nos ta bisa” e dignatario a acentua y a agrega cu for di comienzo gobierno a comparti su vision di pone e ser humano central. “Y den nos mundo cu ta cambiando asina lihe, unda ¾ parti di e trabaonan cu nos muchanan ta bay traha den dje den futuro, ainda no ta existi y nos tin cu tuma accion, y accion awo!” Minister Presidente a subraya.

Di e manera aki gobierno ta tuma accion, cu algun stap grandi y otro stapnan chikito. El a expresa cu ohala nan por a haci esaki pa henter Aruba den un solo biaha, pero realidad ta cu meter haci esaki den fase. Y e ta pa duna e maestronan tambe oportunidad pa haya mas conocemento di e materianan nobo unda cu tin mester. E proyecto aki, e dignatario a reitera, lo cuminza den e aña escolar nobo.

- Advertisement -

DUNA COMENTARIO

Please enter your comment!
Please enter your name here