Home Enseñanza “Loke boso tin den boso man ta e yabi pa futuro”

“Loke boso tin den boso man ta e yabi pa futuro”

67
0
SHARE
- Advertisement -

Minister Lampe na alumnonan di Cacique Macuarima:

ORANJESTAD (AAN) – Minister di Enseñanza sr. Rudy Lampe, durante su bishita na Cacique Macuarima School, Diaranzon mainta, a expresa na e maestro y alumnonan cu e ta hopi orguyoso di nan tur.

E dignatario a bisa e alumnonan cu loke nan tin den nan man ta e yabi pa futuro. Pasobra esey ta locual nan ta bay uza aki 20 pa 30 aña cu tur cos ta bay ta digital, online, e lo ta otro mundo y enseñanza tin cu prepara nan pa e mundo ey.

Hasta el a bisa nan cu den futuro kizas nan lo no bay tin un florin den nan cartera, pasobra tur cos lo bira online y nan tin cu wordo prepara pa esey.

Minister Lampe a expresa cu pesey mester gradici Prome Minister, cu ta e prome hende muher cu ta dirigi nos pais den e historia di Aruba, y a agrega cu e ta hopi orguyoso di ta parti di e Gabinete Wever-Croes, cu a haci tur esfuerzo pa nan por haya e tools importante aki den nan man, cual ta habri e posibilidadnan pa futuro pa nan. “E ta bay keda na scol, pa ora boso bin haci bon uso di dje, y no solamente bosonan sino cu tambe nos ta bay comparti cu otro muchanan pasobra manera nos ta bisa ‘e hende ta central, e mucha ta central, nos tey pa sirbi boso nan. Masha pabien y hopi exito cu e proyecto aki”, e mandatario a conclui.

- Advertisement -

DUNA COMENTARIO

Please enter your comment!
Please enter your name here