Home Enseñanza Mayor cu a agredi maestra a opta pa kita su yiunan for...

Mayor cu a agredi maestra a opta pa kita su yiunan for di scol

2117
0
SHARE
- Advertisement -

SKOA no ta acepta ni tolera pa ningun docente wordo agredi

ORANJESTAD (AAN):  Stichting Katholiek Onderwijs Aruba (SKOA) tambe a sostene e manifestacion di e maestronan preocupa siman pasa. Anueska Bailey, director di SKOA a duna di conoce cu na tur scol di SKOA tin borchinan cu a wordo poni un par di aña atras indicando cu mayornan cu no mag di subi tereno di scol zomaar.

Esaki tambe ta conta pa hendenan cu no ta autoriza. Esey un medida cu SKOA a tuma pa seguridad. Banda di esey tin cu ora cu un mayor ta bay scol, e ta meld cerca e cabezante pa cualkier cos cu e mester geefdoor na e docente. “No ta zomaar e ta subi tereno”, Sra. Bailey a indica.

Den e caso lamentabel cu a pasa na un scol, esey a pasa net un rato despues cu scol a caba y e mayor a bay scol pa busca su yiu y pa papia cu e juffrouw. E situacion a bay for di man caminda cu el a agredi e maestra, locual SKOA no ta acepta ni tolera.

SKOA a wordo notifica di e sucedido. E cabezante di scol a presenta na SKOA pa duna e relato di kico a pasa. Inmediatamente a tuma contacto cu e mayor. Su siguiente dia e mayor a presenta na SKOA pa 8or di mainta y a sinta cune pa combersa y muestr’e kico no tabata corecto ni aceptabel, Anueska Bailey a remarca.

El a sigui bisa cu a duna e mayor un opcion. Nan a bisa e mayor cu e ta haya di biaha un ‘schoolverbod’, esey kiermen cu e no mag subi tereno, cu e lo mester encarga un persona, sea un tanta of cualkier otro familiar pa pasa busca e muchanan na scol.

Esey tabata e prome paso cu SKOA a tuma y despues lo sigui investiga y wak kico ta e otro maneranan cu por resolve e problema aki, a bisa.

E mayor a tuma e opcion di kita su yiunan for di scol y pone nan na un otro scol, locual ta su derecho. Esaki tambe tabata un opcion y el a tuma e di dos opcion.

Tambe a bin cierto palabracionnan ya cu e cos aki a pasa pero por pasa un otro biaha y SKOA no ta acepta ni tolera cu ningun di nan maestronan ta wordo agredi na pia di trabao.

SKOA ta laga pa cada director di scol mes tuma cierto decisionnan teniendo na cuenta e seguridad di no solamente e cabezante, pero di tur e alumnonan como di e docentenan cu ta ariba tereno di scol, e director di SKOA a duna di conoce.

Ora cu tin anochinan informativo ta señala e tipo di aspectonan aki na mayornan pa nan tene cuenta cune.

Banda di esaki a bisa cu cierto scolnan tin camara, pero esaki ta trece cune un costo y esey poco poco ta bezig. Tin scolnan cu ta mas leu cu otro den e aspecto aki, pero esey ta un di e plannan.

 

- Advertisement -

DUNA COMENTARIO

Please enter your comment!
Please enter your name here