Medida Merca contra Cuba lo tin resultado pa Aruba

    1368
    0
    SHARE
    - Advertisement -

    Union Europeo y Canada ta adverti Merca pa resultado empresarial

    *Medidanan lo mishi directamente cu turismo pa Cuba

    *Cuba ta propaga expansion comunista cu interes capitalista

    ORANJESTAD (AAN) — Manera DIARIO a anuncia ayera, e observacion di “Bay of  Pigs”na Merca, lo a wordo acompaña pa medidanan severo cu Merca lo a tuma contra Cuba, cu Merca ta acusa di ta directamente conecta na e regimen di Nicolas Maduro y e resultadonan cu esaki ta representa pa Venezuela.

    Enfrente un grupo di refugiadonan na Miami, e consehero di siguridad nacional John Bolton, a bisa cu Merca ta tuma medida contra e servicionan militar y di inteligencia di Cuba.

    Esaki ta inclui un compania di aviacion militar.

    Por spera tambe medidanan adicional lo encera restriccion pa biahenan maritimo y cu avion pa Cuba ademas di restriccionnan comercial cu Cuba, manera for di ayera DIARIO a adverti.

    Repasando e medida aki cu DIARIO,  expertonan riba asuntonan internacional a mustra cu e medidanan ta marca un situacion ambivalente cu Cuba tabata mantene.

    Di un banda Cuba ta propaga comunismo mientras di otro banda, Cuba ta gosa di interesnan comercial basa riba turismo y negoshi en general.

    Un grupo creciente di comerciante, cu segun Cuba ta pertenece na e grupo capitalista, ta haci negoshi na Cuba, cu ta uza su entradanan pa expansion di comunismo den e region y entre otro ta fuente di problema na Venezuela.

    Pa Cuba e medidanan di Merca sigur lo marca e pais cu ya den ta den problemanan financiero y economico serio.

    E medidanan cu ya Merca a tuma ayera ta haci cu negoshinan cu a perde nan interes na Cuba ora comunismo a haci su entrada na e isla, tin e derecho di cuminsa un caso den Corte na Merca awor.

    For di 1996 e ley ta en espera di ehecucion pero debi na oposicion di paisnan aliado no a introduci e ley.

    Segun Merca awor e momento a yega pa tene Cuba responsabel pa kiebra di democracia den region Caribense y mester implementa e ley cu tur su forsa.

    Segun informacion oficial, Cuba lo por wordo confronta cu demanda cu no a ser atendi den Cortenan na Merca pero awor si lo por ser atendi.

    Personanan y negoshinan cu a perde nan propiedad na Cuba, tin e derecho di exigi pago di compensacion di parti di Cuba.

    E decision di Merca lo afecta comerciantenan stranhero na e pais, cu segun Union Europeo y Canada a trece dilanti, tin inversionnan importante na Cuba y por entabla casonan den Corte contra e decision di Merca.

    Segun un comunicado conhunto di Union Europeo y Canada, e decision di Merca ta bay contra derecho internacional. Tur comerciante cu tin negoshi den propiedad cu tabata propiedad di personanan perhudica na Cuba, por wordo pusha den casonan den Corte pa compensacion.

    DIARIO por a comprende cu na Aruba tambe tin comerciante cu inversion y interes na Cuba y cu e medidanan lo afecta nan tambe.

    Di otro banda e medidanan cu ta na caminda pa transporte cu Cuba y negoshi cu e pais, lo bay influencia turismo den region.

    Esaki lo ser nota tambe dor di Aruba, cu a beneficia ora e porta pa turismo na Cuba a wordo cera pero mescos cu tur pais den Caribe a haya Cuba como un competido fuerte.

    Final Semana Santa ta marca un desaroyo sumamente importante den region di Caribe y e conflicto na Venezuela, cu a genera tension mundial cu lo drenta un fase nobo awor cu aliadonan no ta di acuerdo cu otro.

    - Advertisement -

    DUNA COMENTARIO

    Please enter your comment!
    Please enter your name here