Home Comercio Mester traha cita pa pidi permiso pa negoshi na DEZHI

Mester traha cita pa pidi permiso pa negoshi na DEZHI

7
0
SHARE
- Advertisement -

ORANJESTAD (AAN) – Departamento di Asunto Economico, Comercia y Industria (DEACI) a introduci un website nobo, www.deaci.aw. Aki tur persona por haya informacion di e servicionan cu e departamento ta brinda y tambe otro informacion riba e tereno di economia y comercio en general.

Pa loke ta trata e seccion pa permiso pa negoshi (Business License /Vestiging van Bedrijven),  ta informa cu desde februari 2019,  ta atende cliente solamente cu tin cita cu ta busca of kier ricibi informacion, pa entrega un peticion of pa pidi copia di un permiso.

Riba e siguiente dianan: DIALUNA – DIAMARS – DIAHUEBS Y DIABIERNA ta atende tur cu tin cita traha. Si no a traha cita, bo persona lo no haya servicio.

Ki ora no mester di un cita?

DIARANSON  TA ATENDE PUBLICO PARTI MAINTA 08:00 – 11:30 A.M.

Tene cuenta cu ta atende un cantidad limita di persona y solamente 1 peticion pa persona. Diaranson merdia  no ta atende publico.

Pa busca un permiso cu ta cla caba por pasa directamente na oficina nr. 21.

Orario pa busca un permiso ta di 08:00 – 11:30 a.m. y 1:30 – 4:00 p.m. Corda pa busca copia mester traha un cita. Diaranson durante oranan di merdia ta cera.

Mester traha tur cita via  website www.deaci.aw riba e scherm “Make an appointment”

 

 

- Advertisement -

DUNA COMENTARIO

Please enter your comment!
Please enter your name here