Home General Miembronan di CEA a haya certificado despues di pasa curso special na...

Miembronan di CEA a haya certificado despues di pasa curso special na Marinierskazerne

41
0
SHARE
- Advertisement -

ORANJESTAD (AAN): Diaranzon atardi a tuma lugar un ceremonia special na Marinierskazerne, unda cu un grupo di empleado di CEA a ricibi nan certificado, pa completa un curso riba proceduranan di uso di arma di candela y detencion.

Eerste Officier Gijs Schoe durante e ceremonia a splica cu na dado momento e organizacion di Marinierskazerne a bay dirigi su mes riba bira un partner local di seguridad y tambe pa e region di Caribe.

“Pa nos na Aruba, esaki ta nifica cu nos kier a bay hasi mas cu nos partnernan di seguridad”.

“No mas solamente cuerpo di marinier paden di nos murayanan, sino sali afo tambe pa para hunto cu nos partnernan di seguridad, pa garantiza seguridad”, segun Schoe.

El a splica tambe cu school pa polis tambe ta entrena na Marienierskazerne, mientras cu miembronan di cuerpo di bombero tambe ta hasi uso di e facilidadnan di e kazerne pa entrena.

Kustwacht y Douane tambe ta haya entrenamento di arma, mescos cu e miembronan di CEA a hasi.

Schoe a splica DIARIO den un entrevista cu e entrenamento cu CEA a haya ta encera entre otro un training den diferente scenario.

E empleadonan di CEA cu a haya nan certificado pues a siña entre otro con pa actua cu of sin arma den cierto situacionnan y con ta e mihor manera pa actua durante un detencion.

Minister di Husticia Andin Bikker tabata presente pa hasi entrega di e certificadonan.

 

- Advertisement -

DUNA COMENTARIO

Please enter your comment!
Please enter your name here