Home Gobierno Minister Dangui Oduber ta anuncia cu e prome edicion di Island Fest...

Minister Dangui Oduber ta anuncia cu e prome edicion di Island Fest lo ta dia 29 di Mei

14
0
SHARE
- Advertisement -

ORANJESTAD  (AAN): Siman pasa den conferencia di prensa Minister di Turismo Dangui Oduber a anuncia cu 29 di mei benidero lo tin e prome edicion di Island Fest. Despues di hopi contratiempo esaki lo ta un realidad, e festival aki lo reemplasa loke tabata e Carubian Festival.

Pa sostene e maneho di Turismo unda ta trece turistanan di calidad, a crea Island Fest. Island Fest lo organisa 1 evento pa luna, cu lo ta den e districto di San Nicolas. E festival aki lo duna e turista e valor pa su placa. A scoge e fecha di 29 di mei pa e prome edicion, esaki debi cu ta high season y ta den e siman di Soul Beach Music Festival.

“Den e siman nan cu ta sigui lo tene un conferencia di prensa unda lo duna mas detaye over di Island Fest y con esaki lo ta. Tambe pa invita e comunidad pa sostene e evento aki pa e bira un exito rotundo” esei Minister Oduber a bisa.

Minister Oduber ta kere firmemente den desaroyo economico pa San Nicolas y Island Fest ta forma parti di e desaroyo aki. Ta hopi atencion ta wordo duna pa stimula movecion, stimula trafico di hende y actividad economico. Minister Oduber di awor caba ta invita comunidad di Aruba pa asisti na e evento grandi aki dia 29 Mei 2019.

- Advertisement -

DUNA COMENTARIO

Please enter your comment!
Please enter your name here