Home Gobierno Minister Dangui Oduber ta denuncia publicamente e Hunta di Supervision di Lotto

Minister Dangui Oduber ta denuncia publicamente e Hunta di Supervision di Lotto

105
0
SHARE
- Advertisement -

Di mal maneho, fraude y corupcion:

ORANJESTAD (AAN) – Un tema cu Minister Dangui Oduber, den su calidad di titular di Deporte, a toca na un forma basta fuerte, ta e situacion di Lotto Pa Deporte.

Manera ta conoci e Caso entre Gobierno y e Hunta di Supervision di Lotto ta den Corte pa mas cu un aña caba, y Huez a postpone e sentencia na mas cu cuater ocasion.

E mandatario a expresa cu e abusadornan di Lotto tin e fundacion secuestra, mientras cu Statuto ta duna e oportunidad di kita e miembronan di e Hunta di Supervision, locual gobierno a haci pero Huez a bisa cu mester bay den un bodem procedure den luna di Mei.

E mandatario ta spera cu por fin por haya un sentencia. Na mesun tempo, e Hunta di Supervision a cuminza un proceso pa retira e actual director sr. Wernet. Gobierno a presenta varios prueba di mal maneho di Lotto pa Deporte, y den e caso aki no solamente sr. Wernet ta culpable pero tambe e Hunta di Supervision, cu ta mes of mas culpable cune, pasobra nan ta suppose di controla tur e mal maneho financiero cu a wordo hiba e ultimo añanan aki.

Minister Dangui Oduber a subraya cu camaranan pa domicilio di e miembronan di hunta di supervision, a wordo cumpra cu placa di deportistanan, y tambe nan tabata uza nan mesun bufet di abogado pa brinda servicio huridico na Lotto pa Deporte.

E suma cu e mandatario a menciona ta mas cu 100- 200 pa 300 mil florin. El a subraya cu mester pensa riba investigacionnan cu a wordo haci riba e actual miembronan di Parlamento, cu a costa e deportistanan mas cu 2.5 miyon florin. Den e transcurso di lunanan gobierno a haya hopi documento cu informacion den nan postbus cu mester wordo denuncia.

A haya un lista di uso di telefon di e miembronan di e Hunta di Supervision. Fuera cu nan ta e unico hunta cu ta gana mas cu 6 mil pa 7 mil florin pa luna. Ningun otro raad ni di NVnan di gobierno ni ningun otro fundacion, ta haya e salario y beneficionan “cu e abusadornan aki ta haya”. E mandatario a acentua cu pesey nan no kier laga bay y nan ta keda pega riba stoel manera cu “crazy glue”.

Minister Oduber a añadi cu el a haya un suma di telefon di 13 mil florin den cuater luna di tempo. E ta puntra su mes den ocho aña cuanto esaki a costa e deportistanan. Ademas e miembronan di e hunta a biaha rond mundo.

Mas cui 200 mil florin a bay na biahamento. Nan a manda un invoice pa Lotto di un compania di comunicacion, siendo cu e servicio cu a wordo duna ta uno di seguridad, pasobra e funcionarionan aki tabata sinti nan mes amenaza. “ Acaso nan mes ta bende lotto den e kiosco.

Nan mes ta transporta e placa pa cas y despues di cas pa banco. Pakico nan mester di seguridad? Mi no sa, pero en todo caso nan ta declara un invoice di un compania di comunicacion pero e servicio cu ta wordo brinda ta di seguridad” e mandatario a reitera. E mandatario ta califica tur esaki di fraude.

Minister Dangui Oduber a haya necesario pa menciona e nomber di e miembronan di Hunta di Supervision di Lotto publicamente.

El a bisa cu e kier pa pueblo sa kico ta e maneho cu a wordo hiba pa amigonan personal di Mike Eman y activistanan di AVP alavez.

- Advertisement -

DUNA COMENTARIO

Please enter your comment!
Please enter your name here