Home Gobierno Ministerio di Husticia ta cumpliendo cu plannan di maneho aproba pa Parlamento

Ministerio di Husticia ta cumpliendo cu plannan di maneho aproba pa Parlamento

17
0
SHARE
- Advertisement -

Minister Andin Bikker:

ORANJESTAD (AAN) – Minister di Husticia mr. Andin Bikker, den conferencia di prensa di gobierno, Diahuebs 18 di April, a expresa cu su ministerio ta traha segun e mandato Gabinete Wever-Croes y a base di plannan concreto cu tin aprobacion.

El a subraya cu e ta cumpliendo cu e plan di maneho cu a presenta na 2018 y 2019 y a duna un repaso di esaki.

El a referi na e tema di crimennan di impacto riba pueblo. E dignatario a subraya cu aunke un atraco ta di mas, toch e atraconan a baha drasticamente compara cu e 65 cu tabata bin na 2016, 54 na 2017 cu a baha na 2018 na rond di 30 y pico, y aworaki practicamente, rara vez ta sosode uno.

E mandatario ta spera di yega na cero atraco awor cu ta bay tin mas blou ribs caya, y e ta bay cumpli cabalmente cu esaki.

Minister Bikker a subraya cu ta bay tin un post visible di polis riba Boulevard, unda cu tin joyerianan situa, y e siman aki lo inaugura un oficina nobo pa KPA den e area aki.

Den e plannan cu a keda aproba pa Parlamento a indica tambe cu ministerio di husticia ta bay optimaliza e cuido di nos frontera y ta cumpliendo cu esey, door di a introduci e helicopter y lo introduci e radar den e siguiente simannan.

Tambe riba e control di personanan cu indebidamente ta na Aruba, tur agente uniforma di KPA tin caba tambe e autoridad pa nan por controla si un persona tin su papelnan na ordo y si por traha na Aruba of no. Den e controlnan aki lo wordo detecta ora un persona no tin su papelnan na ordo.

Den e cuadro aki tambe a haya aprobacion pa tin mas material di trabao, pa por ehemplo, KPA y tur otro dienst concerni, desde aña pasa a haya 95 auto, den cuadro di cooperacion cu Hulanda.

Den e plannan cu tin for di inicio di gobernacion ta introduccion di camaranan toezicht. Esaki ta consisti di amplia e cantidad di camara rond di Aruba, unda cu KPA y otro dienstnan por vigila e orden publico. Otro punto di bista ta cu gobierno kier introduci camara den e lugarnan di benta di Lotto pa Deporte y Catochi, debi cu e puntonan aki ta vulnerable, no di awo pero for di basta tempo caba, y en todo caso e mandatario no solamente ta detecta e problema pero ta busca posible solucion, y den e caso aki e posible solucion ta pa amplia e camaranan pa e localidadnan aki tambe.

Tambe lo haci esfuerzo pa amplia e sistema di camara aki den Caya Grandi, ya cu gobierno ta haya hopi keho di comerciantenan cu antisocialnan ta kibra vitrina di negoshinan den madruga, pa asina minimaliza e problema aki.

E dignatario a subraya cu di e manera aki e ta mustra cu ta cumpliendo cu Parlamento, respetando esaki asina aki, den e maneho di husticia.

- Advertisement -

DUNA COMENTARIO

Please enter your comment!
Please enter your name here