Home Policial Motociclista a perde su bida den accident na Rooi Santo

Motociclista a perde su bida den accident na Rooi Santo

3179
0
SHARE
— Rofles Liesdek a perde su bida den accident.
- Advertisement -

ORANJESTAD (AAN): Algo despues di 8:00 am, habitantenan na Rooi Santo a tende un golpi masha duro mes.  Esaki net den area di Ting Wei Supermarket, riba e caminda principal di Westpunt pa Noord.

Un motociclista moviendo riba su brommer cu number MFA-1701 riba e caminda direccion pa Playa, tabata yegando na e cruzada-T net dilanti e Supermarket.  Aki ta unda un Hyundai Getz color blauw cu number A-48943 a sortea su dilanti, sin duna preferencia.

E manehador di e brommer casi no por a ni brake mes, y a bay dal fuertemente den e parti dilanti di e vehiculo, y a keda eybao mes banda di e vehiculo.  E manehador masculino casi no tabata reacciona mas.

Mesora yamadanan a drenta na tanto Central di Polis como tambe Centro di Alarma, cu a cuminza manda unidadnan pa e lugar.  Mas yamada tabata drenta indicando cu aki ta trata di un accident hopi serio.

Ora cu Polis a yega na altura di cas number 17, a bin ripara cu e situacion di e manehador ta hopi grave.  Pesey mes a core pidi presencia di Ambulans cu mas urgencia.  Paramediconan a yega y mesora a nota e situacion di e victima, y mesora a pone riba brancard, y cu urgencia a sali pa Hospital cune pa yudanza mas avanza.

Unidadnan di Polis a pidi presencia di Specialista di Trafico, y tambe demas autoridad competente pa bin mira e situacion.

Specialista di trafico a presenta mesora, y hunto cu Oficialnan di Investigacion Forensico di BFTO a cuminza documenta e lugar di accident.  Aunke ta bisto cu e Hyundai Getz a bira na su man robez direccion di Aruba Racquet Club siendo cu e brommer ta bin di direccion contrario.

Unavez na Hospital a trata tur lo posible pa asina stabiliza e victima y observa su puntonan vital.  Sinembargo pa 9:08 am, Docter na Servicio di Emergencia a constata morto di e manehador.

El a wordo identifica como Rofles H. Liesdek, naci dia 2 di Februari 1975 na Suriname, pues tin 44 aña di edad.  El a bira e di cuatro morto den trafico pa aña 2019.

Na famia di e fayecido, DIARIO ta extende su mas profundo palabra di condolencia.

 

- Advertisement -

DUNA COMENTARIO

Please enter your comment!
Please enter your name here