Home Cultura Na Biblioteca tabata tin presentacion di buki di  “Mi wela a conta...

Na Biblioteca tabata tin presentacion di buki di  “Mi wela a conta mi”

69
0
SHARE
- Advertisement -

ORANJESTAD (AAN): Diabierna anochi ultimo, escritor José Miguel S. Donata a presenta un buki nobo titula ‘Mi wela a conta mi’. Esaki a tuma lugar na biblioteca San Nicolas den presencia di su famia, amigo y conocirnan.

Den buki e autor ta trece padilanti con informacion ta pasa di boca pa boca, di generacion pa generacion y asina ta keda scapa of warda den forma di anecdotanan, den e caso aki di wela pa nieto.

Jose Miguel S. Donata a nace na Aruba y ta docente di Spaño. Su pasion ta historia (oral) y folklore di Aruba y e aspectonan tipico Arubiano di nos lenga Papiamento.

E relacionnan entre Aruba cu otro pais y isla den region di Latino America y Caribe tambe ta un area di studio preferi di sr. Donata. Sr. Donata tin un ‘Bachelor of Arts y un Master of Arts den Languages and Cultures of Latin America/Spanish’.

Sr. Donata ta sigui su interes pa un tema, ta explora y studia esaki y ta traha riba un publicacion. Presentacion a bay den ambiente ameno y invitadonan por a disfruta un chuchulati’pinda y un pida Panboyo.

Otro publicacionnan di sr. Donata ta ‘Cariñosamente… recuerdonan di mi wela y otronan’ na 2010, ‘Trabao a habri na Cuba!: Arubiano na Cuba na cuminsamento di siglo XX’ na 2011. Tambe ‘Ayera y awe e pintor Arubano Joannes Donati’ (2016).

Biblioteca Nacional Aruba tin un ehemplar di cada titulo den su coleccion nacional. Por consulta e publicacionnan na Departamento Arubiana situa den Bachstraat 5.

- Advertisement -

DUNA COMENTARIO

Please enter your comment!
Please enter your name here