Home Deporte Neoma Beke a gana medaya di oro den campeonato hisamento  peso

Neoma Beke a gana medaya di oro den campeonato hisamento  peso

142
0
SHARE
- Advertisement -

ORANJESTAD (AAN) – Diasabra 30 maart 2019, Aruba Amateur Weightlifting Association a tene nan torneo Himno y Bandera di hisamento di peso esaki a wordo teni hunto cu e Campeonato  Sur-Centroamericano y del Caribe Masters 2019.

E campionato a tuma lugar den Compleho Deportivo Frans Figaroa na Noord. Varios di atleta a train duro pa esaki bow guia di entrenador internacional Sr. Walter Llerena.

Aki ta sigui e resultadonan den categoria di 59kg Youth Neoma Beke cu ta hisa pa prome biaha ta gana medaya di Oro y ta logra den su hisadanan den snatch 44kg, clean & jerk 58kg pa un total di 102kg. un atleta cu hopi talento y recen ta practicando e deporte di hisamento di peso.

Neoma ta logra pone record nacional. Ta logra hisa tur su 6 intento bon y no a faya ningun. Den futuro lo tende mas di e hoben Neoma aki.

Den categoria di 71kg den Youth Nicole Dijkhoff ta gana medaya di Oro y ta logra den snatch 68kg, clean & jerk 83kg pa un total di 149kg. cu e hisadanan aki Nicole ta logra kibra record nacional y ta progresa cu 3 kg.

Medaya di Plata a bai pa Souheila Wegereef cu ta snatch 48kg, clean & jerk 63kg pa un total di 111kg. cu e total aki Souheila ta kibra su record personal cu 6kg.

Otro atleta cu a haci un bon papel ta Talisah Beke den categoria di 75kg hubenil ta gana medaya di Oro y ta logra 65kg den snatch, clean & jerk 75kg pa un total di 140kg. aki Talisah ta logra kibra 3 record nacional y ta progresa cu 15kg. Tambe talisah ta logra haci tur su 6 entento bon.

Den categoria di masculino den Youth Jeremy Dijkhoff ta gana medaya di Oro y ta logra den snatch 80kg, clean & jerk 90kg pa un total 170kg. un hoben di apenas 15 aña di edad y cu hopi talento y amor pa e deporte di hisamento di peso.

Ta kibra su record personal den snatch cu 5kg y medaya di Plata a bai pa Dylan Croes cu a hisa den jubenil categoria di 81kg tambe ta hisa pa prome biaha ta logro den snatch 60kg, clean & jerk 80kg pa un total di 140kg. por ultimo nos ta hanja e atleta Xalsky Schwengle cu a hisa den categoria di 89kg senior ta gana medaya di Oro.

Ta logra den su hisadanan den snatch 80kg, clean & jerk 105kg pa un total di 185kg. Schwengle ta logra kibra tres record  personal y ta progresa cu 20kg.

Aruba Amateur Weightlifting Association ta manda palabra di gradicimento  na e sponsernan y tambe tur esnan cu a juda haci e campeonato Himno y Bandera di hisamento di peso un exito.

 

- Advertisement -

DUNA COMENTARIO

Please enter your comment!
Please enter your name here