Home General Noticia falso di Serlimar circulando den comunidad di Aruba

Noticia falso di Serlimar circulando den comunidad di Aruba

64
0
SHARE
- Advertisement -

ORANJESTAD (AAN): Serlimar kier informa e comunidad di Aruba cu tin informacion falso cu ta  circulando tocante Serlimar.

E clientenan residencial actualmente ta hayando bishita di otro compania di coleccion di desperdicio, y ta haya informacion eroneo cu Serlimar pronto lo bay cera su portanan. Alavez ta ofrece e personanan aki pa yena un formulario di cancelacion di Serlimar pa asina por cera contrato cu otro compania.

E formulario di cancelacion aki no ta valido si  no procesa esaki conforme  e procedimento di cancelacion na un oficina di Serlimar mes.

Serlimar kier pone enfasis riba esnan cu otro compania ta acerca cu informacion falso y cu e formulario di cancelacion aki, pa por fabor no yena e formulario aki. Si como cliente ta desea di scoge pa ricibi servicio di otro compania, por pasa libremente na un di e oficinanan unda e proceso di cancelacion lo tuma luga na e forma corecto.

Serlimar ta lamenta e tipo di accionnan asina aki cu tin e meta pa stroba Serlimar di progresa. Sinembargo nos ta spera cu e informacion aki yega na tur esnan cu  ta mal informa y perhudica. Si abo ta un di e personanan aki cu informacion eroneo y a yena e formulario aki, por pasa libremente na un di nos oficinanan. Bin cu e copia di e formulario yena aki pa asina nos por procesa bo deseo debidamente. Si ta desea di comunica cu un persona directo, por yama libremente na ‪524-5080 y splica e motibo pakico ta yama.

Un biaha mas nos ta pidi comunidad di Aruba pa sea alerto na e bishita cu bo ta ricibi di otro compania na bo cas, y sea alerto di e informacion duna na bo persona. Sea informa cu ningun formulario di cancelacion provei door di otro compania no ta valido y nan no ta acepta esaki na e helpdesk como un cancelacion valido.

Pa cualkier informacion of pregunta cu bo por tin por fabor tuma contacto cu Serlimar of pasa libremente cerca nan.

- Advertisement -

DUNA COMENTARIO

Please enter your comment!
Please enter your name here