Home General Oficina di AZV na Rumbastraat a habri bek pa publico full renoba

Oficina di AZV na Rumbastraat a habri bek pa publico full renoba

90
0
SHARE
- Advertisement -

ORANJESTAD (AAN): Despues di ta algun luna cera, e edificio di AZV ubica na Rumbastraat a habri bek pa publico totalmente renoba.

Vocero di AZV, Solange Tchong a laga sa cu e localidad a cambia y awor ta full renoba pa asina atende tur e aseguradonan.

El a agrega cu en berdad tabata tin algun retraso. 31 di Januari tabata e deadline pa habri e edificio bek pero a confronta diferente cos.

Un di e problemanan cu a causa e retraso tabata e crane cu a kibra na Corsow y cu a haci cu e barco cu tabata carga e airconan nobo mester a desvia di ruta. Esaki a trece un retraso di dos siman.

Un bez cu e airconan a yega Aruba tog na momento cu a bay instala nan tur a confronta otro problemanan den e edificio cu a causa cu AZV mester a traha palabracionnan full nobo pa un planning nobo y esaki a pone cu mester a tuma mas tempo pa por a keda cla, Tchong a subraya.

El a sigui bisa cu nan ta contento cu for di diabierna siman pasa tabata tin un ‘soft opening’. Prome a duna oportunidad na e empleadonan pa nan train cu e sistema y pa percura pa esaki bay bon.

Esaki a tuma lugar dialuna y pa diamars AZV a habri completamente pa publico. Awor e tres oficinanan di AZV ta bek den servicio na Rumbastraat, San Nicolas y Noord.

AZV Rumbastraat ta habri pa publico di 7:30 am pa 4 pm non stop. AZV San Nicolas y Noord si ta cera pa break y nan ta traha di 7:30 am – 11:45 am y di 1 pm te 4 pm.

“Nos ta contento. Nos ra kere cu AZV a drenta un era nobo, un momento unda nos ta renoba. Nos a traha nos sala di espera un tiki mas comodo pa asina tur asegurado por wordo yuda mas lihe cu ta posibel, pero tambe cu por tin un agradabel experiencia aki na AZV”, e PR di e institucion a duna di conoce.

- Advertisement -

DUNA COMENTARIO

Please enter your comment!
Please enter your name here