Home Parlamento Parlamentario Endy Croes ta felicita Minister Glenbert Croes pa su proyecto Bus...

Parlamentario Endy Croes ta felicita Minister Glenbert Croes pa su proyecto Bus di Alegria

15
0
SHARE
- Advertisement -

ORANJESTAD (AAN) – Den conferencia di prensa di fraccion di MEP, Diaranzon cu a pasa, Parlamentario Endy Croes a felicita Gabinete Wever-Croes y principalmente Minister Glenbert Croes, pa cu proyecto cu a inicia Dialuna siman pasa, yama Bus di Alegria.

El a felicita tambe dos miembro di e Comision cu ta e motor tras di e proyecto aki, Rochi Geerman y Darleen Erasmus. E parlamentario a splica cu e proyecto aki tin e meta di busca e muchanan den bario den e Bus di Alegria, y nan ta siña e muchanan reconoce baluartenan den bario.

Dialuna nan a cambia e indice di e proyecto un poco mas, y un total di ocho bus a sali for di Briyo di Solo unda a busca tur e muchanan di SVGA y a core cu nan rond di Aruba, y a bay San Nicolas y despues a trece nan Parke Jaburibari, bao di e plataforma unda nan ta hunga basketball.

Nan a organiza un evento chikito cu musica, y MC, unda tanto Parlamentario Endy Croes como su coleganan Edgard Vrolijk, Hendrick Tevreden y Shailliny Tromp-Lee, hunto cu Minister Presidente sra. Wever-Croes a topa e bus ora el a yega cu tur e muchanan cu a goza hopi di e actividad den compania di nan directora y juffrouwnan.

- Advertisement -

DUNA COMENTARIO

Please enter your comment!
Please enter your name here