Home Parlamento Parlamentario Endy Croes ta reacciona riba acusacionnan di oposicion na su persona

Parlamentario Endy Croes ta reacciona riba acusacionnan di oposicion na su persona

168
0
SHARE
- Advertisement -

ORANJESTAD (AAN) – Parlamentario Endy Croes, di Fraccion di MEP, den conferencia di prensa di Diaranzon a reaccion riba acusacionnan na su persona, cu e ta hayando for di oposicion, e ultimo dianan aki.

E parlamentario a expresa cu esaki ta comprendible, pasobra na momento cu e ta ataca e raiz di AVP, e raiz di corupcion, tanto Benny Sevinger cu tin hopi manteca riba su cabes y investigacionnan contra dje, y tambe Richard Arends cu ta constantemente den atake, ta wordo sigui pa un par di miembro di prensa cu tin hopi odio y cu lo purba crea sensacionalismo cu tin cualkier investigacion andando.

Endy Croes a declara cu e kier a refuta acusacionnan den un radioemisora, pero nan a kita un pida comosifuera cu el a acepta, anto pa bruha pueblo y manipule, den locual nan ta bon den dje.

E parlamentario a referi na e acusacionnan riba Aruba Softball Bond, di cual e ta presidente, y cu tin un directiva cu ta un “recht person” y unda pa mas cu 12 aña nan ta treciendo diferente tipo di torneo internacional, y den e transcurso di e añanan aki, nan ta calcula, cu a trece mas di dos mil atleta of dirigente cu a yega di participa den un of otro torneo.

Recientemente nan a wordo notifica cu tin algun atleta cu por a keda atras, y enberdad si a firma un garantia pa nan, nan por responsabiliza e bond.

Endy Croes a subraya cu por a mira AVP y su vocero cu a core haci sensacionalismo rond di henter e asunto aki y nan kier a benta esaki den un bachi robes.

El a referi na un grupo di atleta di Santo Domingo cu mester a drenta cu visa y e federacion mester a firma un carta di garantia, y e ta firma na nomber di Aruba Softball Bond y no na nomber di Endy Croes.

Pero como presidente di e Bond ora tin problema e tin cu responsabiliza di esey y soluciona esaki tambe.

Parlamentario Endy Croes a menciona cu tocante e asunto aki e lo sigui e pasonan necesario y contesta preguntanan al respecto, pero no tin ningun iregularidad den esaki.

 

- Advertisement -

DUNA COMENTARIO

Please enter your comment!
Please enter your name here