Home Parlamento Parlamento a pasa ley di iniciativa di ex-Minister Dowers den forma unanime

Parlamento a pasa ley di iniciativa di ex-Minister Dowers den forma unanime

99
0
SHARE
- Advertisement -

Robert Candelaria (AVP):

ORANJESTAD (AAN): Parlamento di Aruba a pasa e cambionan den ley di Notario cu pa basta tempo tabata pendiente na Parlamento. E ley aki ta un iniciativa cu ex minister di Husticia, drs. Arthur Dowers. Minister Andin Bikker a tuma e cartera over y a bolbe presenta e ley aki na Parlamento. E ley di notario a pasa den un forma unanime den Parlamento, asina Parlamentario di Fraccion AVP, Robert Candelaria, a indica.

Tin cos cu ta relevante pa comparti manera e edad di pensioen pa Notarionan. A pasa un mocion den Parlamento cu a pidi pa koppel e edad di pensioen di un Notario, na e edad di tur ciudadano cu ta baha cu pensioen. Ta trata aki na e edad di nos AV leeftijd. Esey ta un mocion, cu ta un peticion na Gobierno pa traha riba dje.

Tambe tabatin otro mocionnan cu a pasa pa bini cu Notario pariba di brug. Basicamente un di e cambionan grandi cu a aumenta e cantidad di Notarionan cu tin na Aruba. Segun Parlamentario Candelaria e cambio ta pa haci esaki di 4 notario pa 7. Ta par di cambio significativo y Parlamentario Candelaria ta kere pa un ley cu tin asina hopi aña na vigor, awo a bira tempo pa renoba e ley aki.

Lo tin cu renoba mas ley. Ainda den Parlamento tin 2 ley cu ta iniciativa di ex minister di Salubridad, Alex Schwengle. Fraccion di AVP ta contento cu esaki ta biniendo y e ta bay trata over di enfermedadnan di infeccion, etc..

Esaki ta leynan cu ta regarda cosnan importante cu tur dia bo no ta bezig cun’e, pero ta importante cu asina mes na ta sigui cu e trayecto. Aunke cu Gobierno a cambia, pero cu e trayectonan cu ex mandatarionan a cuminsa cun’e ta yega Parlamento y ta concretisa nan den ley pa Aruba.

- Advertisement -

DUNA COMENTARIO

Please enter your comment!
Please enter your name here