Home Parlamento Prensa ta pa informa, educa y uni pueblo no pa crea sensacion

Prensa ta pa informa, educa y uni pueblo no pa crea sensacion

119
0
SHARE
- Advertisement -

Parlamentario Hendric Tevreden:

ORANJESTAD (AAN) – Parlamentario di fraccion di MEP sr. Hendrick Tevreden, di fraccion di MEP, tambe tabata presente den Colegio San Antonio, Diamars mainta y el a duna su declaracion den conferencia di prensa, hunto cu su colega Edgard Vrolijk.

Parlamentario Trevreden a indica cu nan a participa den e conferencia di prensa aki, pa aclarea cierto puntonan. El a expresa cu nan a bin for di hopi tempo caba cu un mensahe: “Cu prensa su rol principal ta pa informa y educa pueblo, y tambe pa percura pa pueblo keda uni”.

El a subraya cu desde cu nan a ricibi e noticia for di Diabierna, ya cu e cu su colega Vrolijk ta cana den pueblo y nan tin hopi na pecho enseñanza y nos muchanan, y nan a bin compronde for di Leerplicht cu tin un “situacion andando”.

“Pero nos pa haya lamentable cu den prensa a scoge pa crea sensacion di e problema. Cu e problema ta real? Nos tur ta di acuerdo. Cu mester bin un solucion? Nos tur ta di acuerdo. Pero pa bin cu sensacion riba un punto unda cu tin muchanan envolvi, unda cu tin scol envolvi, mi ta kere cu no ta na su lugar”, e Parlamentario a subraya.

Parlamentario Tevreden a haci un yamada na prensa pa educa, informa y uni e pueblo pasobra pa prensa haya atencion di pueblo no por bay na costo di un hoben cu kizas ta den un situacion malo den su bida, y cu lo por wordo perhudica den futuro.

“E no por bay na costo di un scol cu ta percura pa haci tur dia mas mihor cu e por, y ta haye den un situacion negativo den prensa”, sr. Tevreden a acentua.

El a señala cu berdad tin cosnan pa mehora y problemanan pa soluciona, pero mester haci esaki na un mihor forma posible, den e linea cu e tin cu cana.

Como miembronan di Parlamento, sr. Tevreden a sigui bisa, nan a percura pa Conseho di Minister ta na haltura di e situacion, pero tambe nan kier haci bishitanan manera esaki pa atende cu e problemanan social cu tin y cu ta algo real den nos comunidad.

El a expresa cu aki ta mira hobennan den edadnan hopi abao den un situacion, unda cu nan ta busca un salida na nan problemanan.

Te edad di 25 aña e hoben ta den un etapa unda su mente ainda ta desaroyando, y den e edad aki e hoben kier ta mas tanto liber posible di substancianan, pero tambe di problemanan social, etc.

Pesey e parlamentarionan ta di opinion cu den e maneho cu gobierno ta hiba unda cu hende ta central, scolnan tin cu haya apoyo y Departamentonan di Enseñanza y DAS mester traha hunto.

DAS mester traha hunto cu Departamento di Husticia. Manera esaki ta wordo prescribi caba den e Crisis Plan Social, pero nan kier mira esaki mas tangible y activo na scolnan.

E parlamentario a expresa cu maestronan tey pa duna les, pero e problemanan social ta algo mas grandi di loke nan por atende, den e oranan cu nan tin e muchanan na scol.

Pesey nan ta bishita scolnan pa wak kico précis ta pasando riba veld, pa asina aki por informa y yuda trece un cambio riba esaki, sr. Tevreden a indica.

 

- Advertisement -

DUNA COMENTARIO

Please enter your comment!
Please enter your name here