Home General Presidente Juan Guaidó a afirma poder di Parlamento

Presidente Juan Guaidó a afirma poder di Parlamento

401
0
SHARE
- Advertisement -

Analisis

Un ehempel pa Aruba cu un democracia parlamentario

Na januari 2019, ora democracia y e orden di ley a parce di a muri na Venezuela, e constitucion di e pais a bira e herment grandi pa trece un cambio.

Mundo tabata teme cu solamente un invasion lo por a salba e pueblo di Venezuela pero tabata consciente kico e invasion lo a nifica pa mundo henter cu lo a conoce un guera mundial.

Tur speransa cu democracia lo por a mira luz na Venezuela tabata perdi, ora Juan Guaidó a bini dilanti. E ta e Presidente eligi di Asamblea Nacional di Venezuela cu segun e leynan basico di e pais, e Constitucion, tin e poder di reemplasa e presidente di e pais si e presidente no a honra leynan electoral di e pais.

Nicolas Maduro a trapa riba reglanan democratico di e pais y na januari a afirma dictadura.

E actuacion di Juan Guaidó ta di grandi importancia pa henter mundo,  cu a mira cu a mira e balor di separacion di poder y e arma cu un Parlamento tin den su man.

Ora e Presidente Interino, a base di Constitucion, a reclama mando di e pais for di Nicolas Maduro, el a saca Venezuela for di isolacion.

Mundo liber a duna Guaidó sosten y loke a wordo logra ta increibel. Awe cuminda ta yega na casnan Venezolano, mientras e forsa di Maduro cada rato ta bira menos. Un dictadura a wordo kibra mientras Guaidó for di su baluarte e Asamblea Nacional, ta atende cu paisnan y casonan cu por destrui e interes financiero.

Pa Aruba Presidente Juan Guaidó ta un ehempel grandi con for di Parlamento, un politico por percura pa bienestar di su pais.

Realmente su postura ta condena e forma cu Parlamento a wordo trata dor di gobierno anterior di Aruba.

Esaki mas ainda pasobra na Venezuela tanto e Presidente como e Asamblea Nacional ta wordo eligi dor di pueblo. Na Aruba cu un democracia parlamentario, ta Parlamento ta dicidi riba constelacion di Gobierno.

Parlamento di Aruba por manda un Gobierno cas si e no ta di acuerdo cu loke ta pasa den gobernacion. Pues e poder di Parlamento di Aruba ta mucho mas grandi cu esun di Venezuela y un persona cu participa na eleccion solamente por distancia su mes di su eleccion pa motibonan sumamente importante.

Awe mundo ta demostra respet pa Juan Guaidó,  cu a duna contenido nobo na democracia y na Parlamento, e baluarte di democracia caminda bos di e mayoria di pueblo ta resona y tin den su man pa caba cu dictadura.

- Advertisement -

DUNA COMENTARIO

Please enter your comment!
Please enter your name here