Home General Rapport Fitch y peliger debe nacional y Citgo pa nos yiunan

Rapport Fitch y peliger debe nacional y Citgo pa nos yiunan

254
0
SHARE
- Advertisement -

Resumen

Experto mundial no por recomenda Aruba como pais sin riesgo

E menasa mas grandi den futuro ta pa nos muchanan

Un di e rapportnan internacional cu a mira luz recientemente, ta e rapport conoci como “Fitch Rating” cu ta analisa compania y gobiernonan pa asina adverti companianan financiero y tur hende interesa, contra riesgonan cu un compania of pais ta contene.

E compania mundial, renombra den mundo di inversionistanan, a sostene e medidanan cu gobierno Wever-Croes ta tuma pa asina confronta e crisis cu Aruba ta aden.
Na mes momento, Fitch ta expresa su falta di confiansa den e futuro di Aruba cu manera e ta trece dilanti ta depende di loke lo pasa cu Citgo y e debe nacional.

E compania no por bisa companianan cu busca su conseho, cu cualkier inversion den Aruba ta un riesgo.

E declaracionnan den e rapport ta deshaci di intentonan grandi cu ta ser haci pa yega na solucion pa e situacion economico y financiero di Aruba, cu awor mester ser planea despues cu e proyecto Citgo a tene Aruba ocupa durante añanan crucial den cual mester a expande actividadnan economico di Aruba cu stabilidad.

Ta uza e palabra stabilidad, pasobra e proyecto Bo Aruba por a trece companianan Aruba, pero na mes momento Aruba mester a hinca placa den e proyectonan sin bon control di e placa di Aruba loke ta empeora e situacion pa futuro.

Kico e herencia na hobennan, muchanan y muchanan cu mester nace ainda ta? E rapport di Fitch ta cubri futuro di muchanan y hobennan di Aruba cu nubia scur.

E gobierno actual mester percura pa stabilisa e mercado economico y laboral cu a ser saca completamente for di normalidad dor di e proyecto Citgo cu gobierno Eman a introduci.

E gobierno actual mester mira con e por haya refinanciamento pa proyectonan sumamente importante pa adapta enseñansa pa nos muchanan pero tambe pa habri trabou pa nos hobennan cu no por bay busca asilo na Hulanda of cualkier otro pais.

E futuro directo di nos muchanan y hobennan cu mester habri nan caminda pa futuro ta na peliger segun e rapport Fitch cu ta di acuerdo cu loke gobierno actual ta haci pero no por duna garantia pa futuro den loke gabinete Eman a sembra.

En todo caso nos muchanan cu caba school na 2019 y den futuro cercano, no tin e siguridad cu nan lo por haya un trabou of por habri nan empresa.

Tanto e hobennan, e muchanan mas hoben como e futuro generacionnan mester paga e debenan y e interesnan cu gobierno Mike Eman a laga atras como herencia.

Ta cu e berdad aki, e generacionnan nobo di Aruba mester habri nan caminda pa futuro.

Inversionistanan cu lesa e rapport lo sacudi cabes a menos cu riba un termino corto, Citgo ser soluciona y gobierno nobo logra trece e cambio economico cu Aruba mester despues di e aventura di Citgo, cu e rapport Fitch ta considera e incertidumbre pa futuro, pa nos muchanan.

 

 

 

 

- Advertisement -

DUNA COMENTARIO

Please enter your comment!
Please enter your name here