Renaissance Aruba Resort & Casino cu reconocimento special na 3 heroe

    718
    0
    SHARE
    - Advertisement -

    Pa nan acto heroico pa salba un hobencita

    ORANJESTAD ( AAN): DIARIO a haya sa cu na Renaissance Aruba Resort & Casino a tuma un momento pa reconoce tres miembro di ekipo cu awor ta wordo considera como heroenan local. Sin pensa dos biaha, e tres miembronan aki a bula na awa y salba un hobencita.

    Den fin di siman tras di lomba a tuma lugar un sucedido na e lama di Surf Side pero danki na e atencion rapido di tres miembro di ekipo di Renaissance Island, esaki a termina felis.

    Renaissance Aruba Resort & Casino a para keto un rato y a reconoce e tres miembronan aki, cu awe ta wordo considera como heroenan local.

    A gradici e heroenan; Egbert Brete, Richard Flanegin como tambe Marcelo Heyden pa nan acto heroico pa salba un hobencita cu pa un descuido a drief bai leu den lama. Sin pensa dos biaha, e miembronan di ekipo di Renaissance Island a bula na awa y yega serca pa duna e hobencita aki un man y trece bek canto cerca su mayornan.

    Esaki ta muestra di training continuo di prome auxilio cu tur miembro di Renaissance Island ta pasa aden pero mas aun e balentia di cada un di e  miembronan aki.

    Un atardi ameno caminda cu Gerencia di Renaissance Aruba conhuntamente cu Wind Creek Hospitaliy a otorga un reconocimento special na e tres heroenan aki y gradicinan pa nan ayudo cu awe tin un final felis.

    Riba imagen adhunto Gerencia di Renaissance Aruba Resort & Casino y Wind Creek Hospitality comhunto cu miembronan di ekipo cu a wordo reconoci.

     

     

     

    - Advertisement -

    DUNA COMENTARIO

    Please enter your comment!
    Please enter your name here