Home General Rond di 7 caso di abuso sexual di mucha ta drenta hospital...

Rond di 7 caso di abuso sexual di mucha ta drenta hospital pa siman

91
0
SHARE
- Advertisement -

Directora DAS:  prevalencia di abuso sexual ta hopi halto

ORANJESTAD (AAN):  Directora di Departamento di Asuntonan Social (DAS), Glenda Hernandes, a duna di conoce cu nan a palabra cu Universidad di Aruba cu DAS kier un bista di con pueblo di Aruba, e hendenan cu ta bibando na Aruba pa basta aña ta pensa tocante e topico di abuso sexual di mucha.

El a indica cu DAS ta bezig cu un ‘crisis plan’ y ta bon pa sa si ta tumando e medidanan corecto.

Ta papiando di hoben y mucha y den esey e mayornan cu ta contribui, e hendenan cu ta zorg pa e muchanan, kico nan ta pensa tocante cierto topico ariba e tereno aki, a bisa.

Tin cu mira esaki como un estudio unda ta bay haya un idea di kico e comunidad ta pensa ariba e topico aki y kico mester ta e maneho pa por proteha e mucha y e hoben.

Segun Hernandes, ta treciendo un plan basta extenso. A haci e prome raportahe caba y a bay bon. Esaki ta mesun cos. Esaki ta pa wak kico pueblo ta pensa.

El a agrega cu aworaki e prevalencia di abuso sexual ta hopi halto. Esaki por tin di haber cu diferente factor manera cultura, actitud di un mayor, pensamento, etc.

E director di DAS ta haya sumamente importante “pa wak kico ta e pensamentonan di nos hendenan tocante e tematica aki”.

El a sigui bisa cu pa loke ta e crisis plan, nan a haya indicacion di hospital, por ehempel, di 7 caso pa siman ta drentando, cu ta abuso sexual pero tambe violencia contra mucha. Esaki ta un cantidad hopi halto pa un lugar asina chikito manera Aruba.

“Nos ta hayando señalnan cu abuso sexual di mucha ta hopi halto. Tambe tabata tin diferente estudio cu ta mustra esey”, a indica.

Helen Guda a haci un estudio ariba esey na 2008 cu ta mustra cu tin hopi violencia y abuso sexual andando.

Den e crisis plan ta enfocando pa tuma cierto medidanan pa e mucha wordo protegi. Tambe cu Unicef ta trahando ariba con pa drecha e colaboracion entre instancianan. Tur instancia por sa con ta bay yuda un hende, ken ta haci kico y na cual momento. Pesey mester bin e mihor palabracionnan, a señala.

Aworaki ta bayendo pa e di dos fase cu ta norma y balor y kier wak si e campañanan tin efecto. Banda di esaki ta bezig cu e ‘baseline study’  pa wak con hendenan ta pensa ariba cierto cosnan manera e conducta cu tin den enseñanza, Hernandes a duna di conoce.

 

 

 

- Advertisement -

DUNA COMENTARIO

Please enter your comment!
Please enter your name here