Home General Sindicato TOPA ta pidi gobierno pa actua lihe tocante asunto di ‘gelijk...

Sindicato TOPA ta pidi gobierno pa actua lihe tocante asunto di ‘gelijk bedrag’ y ‘bashi premie’ di pensionadonan

110
0
SHARE
- Advertisement -

Cantidad di pensionado cu no ta haya nan placa ta bay den aumento

ORANJESTAD (AAN):  Rene Bernabela di Sindicato TOPA a duna di conoce cu nan a cuminza e lucha pa locual ta trata ‘gelijk bedrag’ y ‘bashi premie’ pa e personanan cu a baha cu pension 1 di Januari 2015.

A señala cu e gobierno anterior a kita e derecho ey for di e pensionadonan. Bernabela a bisa cu nan a papia cu gobierno y mustra cu esaki a wordo kita inhustamente.

Actualmente tin un grupo di pensionadonan cu no ta cobrando e ‘bashi premie’ ni e ‘gelijk bedrag’. Den e carta cu minister Bermudez e tempo ey a formula ta bisa cu e trahadornan den futuro, cu ta trahando actualmente den gobierno, tampoco lo bay cobre.

A puntra gobierno ariba ki calculacion nan a basa e decision aki cu na e momentonan aki nan a manda pidi APFA pa duna nan un calculacion.

E calculacion cu APFA a duna, a indica, den pasado na gobierno no ta cuadra cu realidad. Kiermen aworaki gobierno ta haciendo ehercicionan necesario y e ta kere cu di parti di Prome Minister Wever Croes, e sentimento ta pa locual ta e pago cu mester wordo haci na e pensionado ta corecto y cu esaki mester wordo paga.

Bernabela a agrega cu Prome Minister ta di opinion cu mester sinta cu e sindicatonan pa haya tur informacion corecto pa asina por procede na paga e pensionadonan.

E suma cu mester wordo paga, hasta parlamento a bisa cu esaki no ta un suma exorbitantemente halto y cu gobierno por pagu’e.

Pero dianan a sigui pasa y e cantidad di personanan cu a baha cu pension a sigui aumenta. Pesey TOPA ta pidi encarecidamente gobierno pa soluciona e problema aki rapidamente, Rene Bernabela a remarca.

 

- Advertisement -

DUNA COMENTARIO

Please enter your comment!
Please enter your name here