Home Enseñanza Studiantenan di Maria College cu dos dia di stage na Monumentenbureau

Studiantenan di Maria College cu dos dia di stage na Monumentenbureau

19
0
SHARE
- Advertisement -

ORANJESTAD (AAN): Recientemente Monumentenbureau a haya dos Studiante di Maria College (Mavo) pa stage dos dia di “beroepsoriënterendestage” cu tin hopi gana di sigui den e ramo di construccion (bouwkunde).

E studiantenan Daphney Mariana Rodriguez y Miguel Ludeña a pasa den diferente departamento di nos oficina y a haci diferente ehercicio pa por haya un experiencia di nos trabao cu ta eherce na Monumentenbureau y sigur di loke nan kier siña despues cu nan termina nan estudio na Maria College (Mavo).

Studiantenan Daphney Mariana Rodriguez y Miguel Ludeña a keda sumamente impreciona cu e trabaonan cu Monumentenbureau ta eherce, y ta gradici staff y personal di Monumentenbureau pa por a guianan, pa nan a haya e conocimento den e parti den construccion (bouwkunde) y sigur e parti di nos historia y herencia cultural pa no bay perdi.

Monumentenbureau ta desea studiantenan Daphney Mariana Rodriguez y Miguel Ludeña exito den nan estudio y cu nan soño por bira realidad como e futuro arkitectonan di Aruba.

- Advertisement -

DUNA COMENTARIO

Please enter your comment!
Please enter your name here