Home Comercio Super Food Plaza Cares Program ta haci donacion na Stichting BOB

Super Food Plaza Cares Program ta haci donacion na Stichting BOB

31
0
SHARE
- Advertisement -

ORANJESTAD (AAN): Super Food Plaza Cares Program recientemente a haci entrega di un cheque na valor di Afl. 33,739.85 na Stichting BOB. E cheque a ser otorga pa marketing manager di Super Food Plaza, Sr. Rudy Richardson y a ser ricibi pa Diantha Nuesch y demas empleadonan di e fundacion.

Stichting BOB tin como meta pa detecta irregularidad na tempo den pechonan di hende muher entre edad di 45 pa 75 aña. Ora detecta problema na pecho trempan, esaki por ser trata mas mihor na un manera menos agresivo y intensivo. Di e manera aki e fundacion ta traha pa preveni y reduci casonan di cancer na pecho na Aruba.

E fundacion a keda masha agradeci cu e donacion aki, cu nan tin intencion di usa pa adkiri un machine mas di haci mammogram den futuro.

Clientenan di Super Food Plaza por haci un donacion di minimo Afl. 1.75 y cu esaki nan por participa pa gana 3 gift card semanalmente. E prome premio ta un gift card di Afl. 1000, segundo premio un gift card di Afl. 500 y tercer premio un gift card di Afl. 250. Super Food Plaza ta pone e premionan disponible y tur fondonan recauda ta bay pa e fundacion cu ta na turno e luna ey. Tur dialuna ta tuma lugar un otro sorteo pa e campaña aki.

Den luna di April ta toca turno na Stichting voor Verstandelijk Gehandicapten Aruba (SVGA) pa yuda recauda fondo p’e. E fundacion aki tin como meta pa duna cuido, guia y educacion na esnan cu un limitacion intelectual den nos comunidad. Nan ta yuda e personanan aki desaroya nan mes pa bira mas independiente. Actualmente e fundacion kier bin cu un proyecto pa traha mas acomodacion pa personanan cu limitacion intelectual y lo usa e suma recauda pa yuda haci e proyecto aki un realidad. Nos ta pidi comunidad pa yuda sostene e causa aki y haci un donacion e luna aki na e Super Food Plaza Cares Program.

- Advertisement -

DUNA COMENTARIO

Please enter your comment!
Please enter your name here