Home General Ta den combersacion cu Polis ta yega na un maneho tocante keuring...

Ta den combersacion cu Polis ta yega na un maneho tocante keuring di vehiculonan UTV/ATV

207
0
SHARE
- Advertisement -

Director di DTI:

ORANJESTAD (AAN):  Director di DTI, Anko Koopmans a duna di conoce cu nan ta bezig cu e asunto di keurmento pa vehiculonan UTV y ATV, cu ta vehiculonan off-road y cu ta core sin plachi ariba caminda.

Koopmans a duna di conoce cu nan ta bay tin conversacion cu Polis pa asina wak kico por haci hunto, aunke e parti di keuring ta keda den man di DTI.

Nan por support KPA den e parti di keuring, cu e controlnan cu polis ta haci ariba caminda y ta topa cu vehiculonan cu no ta gekeurd. Nan ta haya nan boet y asina nan cuminza bira conciente cu mester keur e autonan, a bisa.

E  idea ta pa traha tambe hunto cu KPA pa haci e ‘tint beleid’, esta midi e porcentahe di tint y tuma accion. Hopi auto ta bay DTI pa keur y nan ta wordo gekeurd cu e tint kita for di nan auto (e dos bentana dilanti). Pero na momento cu nan pasa e keur, nan ta pone e tint bek.

Koopmans a indica cu esey no ta e idea. E tint ta e principal causante di accidente ya cu e bista y e luznan ta bira menos anochi, entre otro aspectonan.

Pa loke ta e ATV’s y e UTV’s, kier pa e vehiculonan aki bay DTI. No por obliga ningun hende pa bay keur, a bisa, pero e hendenan mes mester haya nan responsabilidad pa cu e hendenan cu nan ta huur e mashinnan. E lo ta un mal fama pa e compania y te hasta pa Aruba vooral si e informacion ta sali den prensa y den medionan social/internacional.

Ta keda tambe na e doño di e compania tuma e responsabilidad pa e seguridad di nan clientenan. Apesar cu tin ‘waivers’ unda ta kita tur responsabilidad for di e compania, pero “ora bo auto of bo UTV, con accidente ta pasa, esey ta bin ariba e netnan aworaki of den corant”, a expresa.

E director di DTI a agrega cu nan ta hopi flexibel y por tin espacio pa e companianan yega na un palabracion pa hiba e vehiculonan pa keur segun nan posibilidad. Tin posibilidad pa pasa diasabra.

“Si nan yama  y nan tin un issue pa bin keur of con nos por adapta, nos ta hopi flexibel y nos ya yuda”. Esaki ta pa tur hende nan seguridad y esey ta unda DTI kier bay, Koopmans a indica.

- Advertisement -

DUNA COMENTARIO

Please enter your comment!
Please enter your name here