Ganadornan di Premio Excelencia den Deporte 2018
ORANJESTAD (AAN): Un bunita ceremonia a tuma lugar den ballroom Marriot Aruba Hotel and Stellaris Casino pa asina reconoce e atletanan cu a destaca durante 2018.
Ministerio di Deporte cu sosten di Stichting Sportsubsidie Aruba y Lotto a honra e atletanan.Tabata tin representantenan di gobierno y diferente departamento, coachnan , atletanan y famia durante e prestigioso ‘Premio Excelencia den Deporte 2018’.
Esaki ta e di 15 aña cu ta organisa e evento aki. Un total di 23 federacion a nomina nan 80 mihor atletanan.
Mester bisa cu tur atleta a haci nan esfuerzo pero mester a scoge un pa cada categoria.
A premia 6 categoria pero e dosnan principal tabata esun di ‘atleta femenino’ y ‘atleta masculino di aña’.
Esaki ta e premiadonan:
– Atleta di aña den e categoria 10 – 13 aña femenino: LIV FARRO – Arubaanse Zwembond
– Atleta di aña den e categoria 10 – 13 aña masculino: GAVIN KOCK – Arubaanse Zwembond
– Atleta di aña den e categoria 14 – 17 aña femenino: ELISABETH TIMMER – Arubaanse Zwembond
– Atleta di aña den e categoria 14 – 17 aña masculino: GIANNON EIGHTS – Aruba Triathlon Association
– Atleta femenino di Aña 2018: THASHAINA SERAUS – Aruba Bowling Association
– Atleta masculino di Aña 2018: MIKEL SCHREUDERS – Arubaanse Zwembond
Masha pabien na tur e nominadonan y na e ganadornan.
