ORANJESTAD (AAN) Dianan 25, 26, 27 y 28 di April proximo, lo tuma luga riba e cancha nan di Aruba Racquet Club e di 9 torneo Internacional Hubenil di tennis, cu ta hiba e nomber “COPA EDDY RAS 2019.”
Guardian group lo ta pa e di 9 biaha consecutivo , e motor tras di e evento aki.
E aña aki, e siguiente paisnan ta honra nos cu nan bishita y nos por conta cu participacion di mas of menos 150 tenista hubenil internacional y local, den diferente categoria.
Participantenan ta varia di edad for di 5-18 aña mucha homber y muher di nivel beginners te cu advanced.
E aña aki e torneo lo ta bou di auspicio di Aruba Lawn tennis bond, cu ta haci e torneo ranking nacional.
E torneo ta cuminsa dia 25 di April 2019 proximo, pa 5’or di Atardi. Tur e participantenan lo ricibi nan programa di wega pa e siguiente dianan, hunto cu nan “Tournament Tshirt” & nan “GoodieBag” yena cu gift items di e sponsornan. Pa inaugura e evento lo tene e apertura ceremonial y defile pa 6’or atardi.
Hunto cu e partnernan a logra recauda un suma pa donacon na e Fundacion di Down Syndrome “Sea bunita sea bo mes” pa di dos biaha, di cual lo entrega durante e apertura ceremonial.
Durante e transcurso di dianan 25 – 28 di April, lo tin riba 180 wega hunga durante dia .
