Tur cos ta mustra cu Ministro Rudy Lampe kier elimina Tra’i Merdia na Aruba

    377
    0
    SHARE
    - Advertisement -

    Partido AVP ta bati alarma pa e desaroyo aki

    ORANJESTAD (AAN): Pa motibonan cu ningun hende por compronde Gabinete Wever-Croes, via di Minister di Enseñanza Rudy Lampe a cuminsa un proceso pa elimina e masha exitoso centro di cuido despues di school ‘Tra’i Merdia’.

    E pregunta mesora ta lanta pakico cambia un proyecto cu asina bon resultado. Esaki ta parce atrobe un otro acto simplemente pa kibra algo grandi y bon cu un gobierno di signatura di AVP a crea mas di 20 aña pasa.

    Tra’i Merdia a keda funda na 1996 durante Gabinete Henny Eman II, e tempo ey riba iniciativa di Minister Eddy Croes. Un tremendo proyecto cu a demostra su motibo di existencia. Vision di Tra’i Merdia ta pa cuida y duna guia na e muchanan di ciclo basico y di e forma aki contribui na formacion di muchanan feliz y saludabel pa comunidad di Aruba. Centenares di mucha a atende Tra’i Merdia y ta mira back riba un periodo feliz di nan infancia.

    Miles di mucha a atende Tra’i Merdia durante e añanan tras di lomba unda cu nan tabata worde yuda cu nan huiswerk, tabata hunga, canta. Tabata combina loke tabata necesario y util cu loke tabata creatividad. Hala sin mas un proyecto asina exitoso pone un banda ta bay ta desastroso pa enseñansana den su totalidad y hopi negativo pa mayornan.

    Partido AVP ta uno cu a bati alarma pa e desaroyo aki.  Nan ta bisa cu Gobierno Wever Croes tur su decisionnan ta worde influencia pa motibonan partidista of otro interesnan cu no ta interes general ta obvio. Elimina algo bon y solido atrobe simpelmente pa motibonan partidista to hopi lamentable. Tra’i Merdia no a bin di un dia pa otro. Ta hopi estudio tabatin prome cu a formalisa e bunita proyecto aki na 1996.

    Cu eliminacion di Tra’i Merdia, ta miles di mayor y muchanan lo worde perhudica door di e proceso cu gobierno a indica cu un carta cu ta ofrece maestronan, dirigentenan y lidernan pa sali for di Tra’i Merdia.

    E resultado final lo ta cu Tra’i Merdia lo keda bashi y ora e gobierno por haci locual e kier haci, esta elimina Tra’i Merdia despues di 20 aña di exito. Esaki ta algo hopi condenabel, segun AVP.

    Keda pendiente pasobra lo sigui e desaroyo aki di cerca.

     

    - Advertisement -

    DUNA COMENTARIO

    Please enter your comment!
    Please enter your name here