Home Enseñanza Ultimo añanan e publicacionnan na Papiamento ta birando mas y mas

Ultimo añanan e publicacionnan na Papiamento ta birando mas y mas

28
0
SHARE
- Advertisement -

Sra. Astrid Britten, director BNA:

ORANJESTAD (AAN) – Mirando cu UNESCO a inclui Papiamento como Idioma Autoctono y ta dune su importancia, y cu gobierno a anuncia cu entrante aña escolar 2019-2020 Papiamento lo bira idioma di instruccion den enseñanza preparatorio, y asina paulatinamente lo sigui te yega na educacion avanza segun e añanan pa bay, den entrevista cu sra. Astrid Bikker, a puntre si e ta kere cu tin suficiente material na Papiamento pa e wordo mas lesa cu prome aya, y cu actualmente.

Sra. Britten a menciona cu semper tin espacio pa mas, pero ultimo añanan e publicacionnan cu tin na Papiamento ta bira mas y mas.

“Nos mes ta contribui tur aña tambe cu e buki di Festival di Buki, unda cu nos tin e publicacion tanto na Hulandes como na Papiamento. Nos enseñanza tambe ta purba di fomenta esaki, y tin dos scol piloto cu ta multilingual cu ta purba bin cu mas integracion pa cu e muchanan. Directie Onderwijs tambe ta haci traduccion di varios buki. Kiermen, compara cu un par di aña pasa mi ta kere cu loke tin riba mercado ta substancial y cu nos ta bayendo riba e bon caminda cu nos por tin esaki tambe disponible. Hopi di nan por mira cu ta basa riba storianan pa mucha mas cu e bukinan pa e hobennan, cu ta considerablemente menos pero aworaki mi ta haya cu e enfoke ta riba buki pa mucha, y tin un cantidad basta grandi di e bukinan aki cu por lesa”, sra. Britten a indica.

No obstante, na Biblioteca e bukinan cu ta keda mas presta ta esnan na Hulandes. Esaki pasobra e sistema na scol ta keda uno unda ta pone hopi enfasis riba e Idioma Hulandes.

“Ora cu e studiante ta haya den e situacion cu mester haci un spreekbeurt, etc., e ta sosode na Hulandes. Esey ta haci cu e bukinan aki ta keda hopi presta. Pero na San Nicolas, contrario na esey, e bukinan cu ta mas lesa ta na Ingles. Kizas si nos tabata tin e mesun cantidad di bukinan na Papiamento compara cu Hulandes, kizas nan tabata bon lesa. Pero loke cu tin riba mercado si nos compara Hulandes como produccion, tin mas buki. Esey mi ta papia specificamente pa Biblioteca, pero mi ta kere cu mayoria di mucha ora nan ta den nan mes ambiente, mas tanto nan ta lesa na Ingles. Y naturalmente, tin e grupo grandi di habla Spaño, cu tambe ta hasi uso di e facilidad y naturalmente nan escogencia ta bukinan na Spaño cu ta den nan caso, nan lenga materno”.

 

- Advertisement -

DUNA COMENTARIO

Please enter your comment!
Please enter your name here