Home General Warda Costa cu controlnan mas severo riba barconan di Venezuela y Colombia

Warda Costa cu controlnan mas severo riba barconan di Venezuela y Colombia

39
0
SHARE
- Advertisement -

ORANJESTAD (AAN): Durante un control cu un unidad di Warda Costa a tene na Bonaire riba un barco di fruta, a bin haya e capitan cu documentonan falso di Aduana di Colombia.

E personanan abordo di e barco a indica cu nan a bini Bonaire pa cumpra cigaria.

Warda Costa a splica, cu nan ta haci controlnan severo riba tur boto procedente di Venezuela y Colombia cu ta drenta y sali for di waf pa cumpra of bende mercancia.

E controlnan ta ser ehecuta den colaboracion cu Koninklijke Marechaussee, Douana y autoridadnan di waf di Aruba, Curaçao y Bonaire.

Tur boto mester tin nan documentonan oficial y valido hunto cu nan na tur momento.

Warda Costa ta informa cu den caso cu un persona no cumpli cu e ley aki, e ta core e riesgo cu e por keda deteni.

Pues percura pa semper bo tin bo documentonan valido y na ordo hunto cu bo.

- Advertisement -

DUNA COMENTARIO

Please enter your comment!
Please enter your name here